અમેરિકા અને ઇરાન વચ્ચે તણાવ ઘટવાના બદલે વધી રહ્યો હોવાનું જોવા મળી રહ્યું છે. મંગળવારે અમેરિકાના રાષ્ટ્રપતિ ડોનાલ્ડ ટ્રમ્પે ઇરાનને ચેતવણી આપી તે કોઇપણ હુમલાનો જડબાતોડ જવાબ આપવામાં આવશે.
ઉલ્લેખનીય છે કે થોડા દિવસો પહેલા અમેરિકાના રાષ્ટ્રપતિ ટ્રમ્પે (Donald Trump) કડક પ્રતિબંધ લગાવાના આદેશ પર હસ્તાક્ષર કર્યા છે, જેની ઇરાન દ્વારા તીખી પ્રતિક્રિયા આપવામાં આવી હતી. ફારસની ખાડીમાં ઇરાન અને અમેરિકા વચ્ચે વધતો તણાવ એક મોટા યુદ્ધ તરફનો ઇશારો કરી રહ્યું છે.
જેની શરૂઆત ગત વર્ષે અમેરિકાના રાષ્ટ્રપતિ ડોનાલ્ડ ટ્રમ્પે ઇરાન સાથે થયેલા પરમાણૂ કરારને તોડ્યા બાદ આ ખાડી દેશ પર કેટલાક પ્રતિબંધ લાદી દીધા હતા. હાલમાં ઓમાનની ખાડીમાં ઓઇલના બે ટેન્કર પર થયેલા હુમલા બાદ બંને દેશ વચ્ચે ફરી તણાવ વધ્યો છે. અમેરિકાએ આ હુમલા પાછળ ઇરાનનો હાથ હોવાનું જણાવ્યું હતું, જો કે ઇરાનને આ વાતનું ખંડન કર્યું હતું.
અમેરિકાના રાષ્ટ્રપતિ ડોનાલ્ડ ટ્રંપે ફરી ઈરાનને ધમકી આપી છે. અમેરિકી રાષ્ટ્રપતિ ડોનાલ્ડ ટ્રંપે ઈરાનને ધમકી આપતા ટ્વીટ કર્યું છે કે, અમેરિકાના હિતો પર કોઈપણ પ્રકારના હુમલાનો અમે જડબાતોડ જવાબ આપીશું. અમેરિકા પર ઈરાનના કોઈપણ હુમલાનો અમેરિકા મોટો અને જડબાતોડ જવાબ આપશે.
ઈરાનના નેતા માત્ર શક્તિ અને બળને જ સમજે છે. તેઓને ખબર હોવી જોઈએ કે અમેરિકા પાસે વિશ્વનું સૌથી શક્તિશાળી સૈન્ય બળ છે. ઉલ્લેખનીય છે કે, અમેરિકાના ડ્રોનને તોડી પાડ્યા બાદ અમેરિકા અને ઈરાન વચ્ચે સંબંધ વણસ્યા છે. ડોનાલ્ડ ટ્રંપે ઈરાન પર સખત પ્રતિબંધ લગાવ્યા છે અને પ્રતિબંધના આદેશ પર હસ્તાક્ષર પણ કર્યા છે.
નવા પ્રતિબંધ મુજબ ઈરાનના સર્વોચ્ચ ધાર્મિક નેતા અયાતુલ્લા અલી ખમનેઈ અને તેમની સેનાના આઠ મુખ્ય સૈન્ય કમાન્ડર હવે અમેરિકામાં નાણાંકીય સુવિધાનો લાભ મેળવી શકશે નહીં. અગાઉ અમેરિકાના રાષ્ટ્રપતિ ટ્રંપે એવું પણ કહ્યું હતુ કે અમેરિકા ઈરાન પર ત્રણ જગ્યાએ હુમલો કરવાનું હતુ પણ તેમાં 150 નાગરિકોનાં મોત થાત એટલે આ યોજના રદ કરી.