વાયરલ / VIDEO : TRS નેતાએ તો દાટ વાળ્યો, લાઈનમાં ઊભા રાખીને વહેંચી દારુની બોટલ અને જીવતી મરઘી

• TRSના સિનિયર નેતા રાજનલા શ્રીહરિએ પેદા કર્યો મોટો વિવાદ
• તેલંગાણાના વારાંગલમાં મતદાતાઓને વહેંચી દારુની બોટલ અને ચીકન 
• આવતીકાલે સીએમ કેસીઆર રાવ કરવાના છે નેશનલ પાર્ટીની જાહેરાત 

તેલંગાણા રાષ્ટ્ર સમિતિ (ટીઆરએસ)ના સિનિયર નેતા રાજનલા શ્રીહરિએ વારંગલમાં સ્થાનિકોને દારુની બોટલ અને ચીકન આપતા જોવા મળ્યાં હતા. ટીઆરએસ ચીફ અને તેલંગાણાના સીએમ ચંદ્રશેખર રાવ આવતીકાલે દશેરાના પ્રસંગે વારાંગલમાં નેશનલ પાર્ટીની જાહેરાત કરવાના છે. હાલમાં ટીઆરએસ પ્રાદેશિક પાર્ટી છે. વિપક્ષે તેમના આ કામની ખૂબ ટીકા કરી છે.

#WATCH | TRS leader Rajanala Srihari distributes liquor bottles and chicken to locals ahead of Telangana CM KC Rao launching a national party tomorrow, in Warangal pic.twitter.com/4tfUsPgfNU

— ANI (@ANI) October 4, 2022

રાજનલા શ્રીહરિએ સ્થાનિક લોકોને આપી દારુની બોટલ અને ચીકન
રાજનલા શ્રીહરીએ મંગળવારે વારંગલ પહોંચ્યાં હતા. અહીં સીએમ રાવ અને તેમના પુત્રના કટઆઉટ ઉદ્ધાટન પ્રસંગે શ્રીહરીએ આવેલા સ્થાનિક લોકોને ચીકન અને દારુની બોટલ આપી હતી. આ ઘટનાનો એક વીડિયો પણ છે જેમાં શ્રીહરી એક પછી એક સ્થાનિકોને ચીકન અને દારુની બોટલ આપી રહ્યાં હતા. 

આવતીકાલે સીએમ રાવ લોન્ચ કરશે નેશનલ પાર્ટી
5 ઓક્ટોબર દશેરાના પ્રસંગે સીએમ ચંદ્રશેખર રાવ વારંગલમાં નેશનલ પાર્ટી લોન્ચ કરવાના છે. વારાંગલમાં તેમની મુલાકાતના એક દિવસ પહેલા રાજનલા શ્રીહરિએ મતદાતાઓને ભેટ આપી હતી. ઉલ્લેખનીય છે કે ચૂંટણીઓમાં મતદાતાઓને અપાતી લોભામણી ઓફર બંધ કરવાની હાલમાં ચર્ચા ચાલી રહી છે.