LAC / ડ્રેગનને ડ્રેગનની ભાષામાં જવાબ! ચીની વીડિયોના જવાબમાં ભારતીય જવાનોએ ગલવાનમાં લહેરાવ્યો તિરંગો, ફોટો વાયરલ

• ભારતે ફરી એકવાર ચીનના દુષ્પ્રચારને જડબાતોડ જવાબ આપ્યો
• ગલવાનમાં ભારતીય જવાનોએ લહેરાવ્યો તિરંગો
• ચીની સૈનિકોનો ગલવાનમાં  ધ્વજ ફરકાવતો વીડિયો વાયરલ થયો હતો 

ભારતે ફરી એકવાર ચીનના દુષ્પ્રચારને જડબાતોડ જવાબ આપ્યો છે.  ચીની સૈનિકોએ ધ્વજ ફરકાવ્યો હોવાનો વીડિયો વાયરલ થયા બાદ ભારતીય સૈનિકોની કેટલીક તસવીરો સામે આવી છે. ભારતીય સૈનિકો નવા વર્ષના દિવસે ગલવાનમાં તિરંગાનો ધ્વજ ફરકાવતા જોવા મળે છે.

ચીની મીડિયા અને સોશિયલ મીડિયા યુઝર્સે ગલવાનમાં ચીની ધ્વજનો વીડિયો જાહેર કર્યો હતો 
વાસ્તવમાં ચીની મીડિયા અને સોશિયલ મીડિયા યુઝર્સે તાજેતરમાં એક વીડિયો જાહેર કર્યો હતો. વીડિયોમાં ચીની સેના પોતાનો ધ્વજ ફરકાવતા જોવા મળે છે. ચીની યુઝર્સે દાવો કર્યો હતો કે ચીનની સેનાએ ગલવાનમાં હિંસાના સ્થળે ધ્વજ ફરકાવ્યો હતો. જોકે, આ સ્થળ તે બિંદુથી ઘણું દૂર હતું.

Brave Indian Army soldiers in Galwan Valley on the occasion of #NewYear2022 pic.twitter.com/5IyQaC9bfz

— Kiren Rijiju (@KirenRijiju) January 4, 2022

ભારતીય સેનાએ તિરંગો લહેરાવનાર સેનાના જવાનોની તસવીર જારી કરી
ભારતીય સેનાએ તિરંગો લહેરાવનાર સેનાના જવાનોની તસવીર જારી કરી છે. તસવીરોમાં સેનાના 30 જવાન તિરંગાની સાથે નજરે ચડી રહ્યાં છે. જવાનો તેમની સાથે હથિયાર રાખીને ઊભા છે. એક તિરંગો ભારતીય ચોકી પર લહેરાઈ રહ્યો છે અને બીજા તિરંગો જવાનોના હાથમાં છે. મીડિયા રિપોર્ટ અનુસાર ભારતીય સેના અને ચીની જવીનોએ પશ્ચિમી લદ્દાખમાં એકબીજાને મીઠાઈ વહેંચી હતી. હોટ સ્પ્રિંગ્સ, ડેમચોક, નાથૂલા અને કોંગરા લો વિસ્તારમાં બન્ને બાજુએથી મીઠાઈઓનું આદાનપ્રદાન કરાયું હતું. 

The JOSH of #IndianArmy is always high even at freezing temperature of below -8°C !!

Spent time with brave Army Jawans from Assam Regiment & Arunachal Scouts. We walked at RR Hills near Bomdila, Arunachal Pradesh. pic.twitter.com/xSevU7Wk6m

— Kiren Rijiju (@KirenRijiju) December 30, 2021

રાહુલે આ મુદ્દે પ્રધાનમંત્રી મોદી પાસેથી જવાબ માગ્યો હતો
રાહુલે આ મુદ્દે પ્રધાનમંત્રી મોદી પાસેથી જવાબ માગ્યો હતો. ચીની સેનાનો વીડિયો સામે આવ્યા બાદ રાહુલે ગાંધીએ સોશિયલ મીડિયા પર લખ્યું હતું કે ગલવાન પર આપણો તિરંગો જ સારો લાગે છે. ચીનને જવાબ આપવો પડશે.