અકસ્માત / રાજકોટમાં આયસરને ઓવરટેક કરવા જતા કાર અને બાઇક વચ્ચે ટ્રિપલ અકસ્માત, એકનું કમકમાટીભર્યું મોત

• રાજકોટના નવા રિંગરોડ-2 પર ત્રિપલ અકસ્માત 
• આયસર,બાઇક અને લક્ઝરી કાર વચ્ચે અકસ્માત
• મોડી રાત્રે થયેલા અકસ્માતમાં એક વ્યક્તિનું મૃત્યુ

રાજકોટમાં ગંભીર અકસ્માતની ઘટના સામે આવી જેમાં એક વ્યક્તનું મોત નિપજ્યું હતું, જ્યારે ચાર જેટલા લોકોને ગંભીર ઈજા થતા તેમને હોસ્પિટલ ખસેડવામાં આવ્યા હતા. નવા રિંગરોડ પર મોડી રાત્રે બંધ પડેલા આયસરને ઓવરટેક કરવા જતા કાર ચાલકનો અકસ્માત સર્જાયો હતો જો કે લક્ઝરી કારની એરબેગ ખુલી જતા કાર ચાલકનો આબાદ બચાવ થયો હતો. 

આયસર,બાઇક અને લક્ઝરી કાર વચ્ચે અકસ્માત

આ ઘટનામાં રોડ પર બાઈક લઈને આવેલા યુવકનું અડફેટે આવતા તેનું મોત નિપજ્યું હતું, મહત્વનું છે કે કાર ચાલક પુરપાટ ઝડપે આવી રહ્યો હતો ત્યારે રોડ પર પાર્ક કરેલા આયસરમાં કાર ચાલક ઘૂસી ગયો હતો જોકે કાર ચાલકની એરબેગ ખુલી જતા તેનો આબાદ બચાવ થયો હતો જ્યારે આયસર ચાલક બોલાવેલા બાઈક ચાલકનું અકસ્માતમાં મોત નિપજ્યું હતું 

મોડી રાત્રે થયેલા અકસ્માતમાં એક વ્યક્તિનું મૃત્યુ

આયસર, બાઈક અને લક્ઝરી કાર વચ્ચે થયેલા અકસ્માતમાં ચાર લોકોને ગંભીર ઈજા થતા તેમને તાત્કાલિક સારવાર અર્થે હોસ્પિટલ ખસેડાયા હતા જ્યારે સમગ્ર મામલે પોલીસને જાણ થતા પોલીસ પણ ઘટના સ્થળે દોડી આવી હતી અને આગળની કાર્યવાહી હાથ ધરી હતી. જો કે અકસ્માત બાદ કાર ચાલક ફરાર થઈ જતા પોલીસે કાર ચાલકની તપાસ હાથ ધરી છે. મહત્વનું છે કે આયસરનું ટાયર પંચર થઈ જતા આયરસનું ટાયર બદલતા એક યુવક અડફેટે આવ્યો હતો જેમાં તેનું મોત નિપજ્યુ હતું.