નિર્ણય / અમદાવાદમાં પ્રોપર્ટી ટ્રાન્સફર કરવી મોંધી, ફીમાં કરાયો આટલો વધારો, AMCને થશે આવકના ઝાપટા

• અમદાવાદમાં પ્રોપર્ટી ટ્રાન્સફર ફીમાં વધારો
• AMCની રેવન્યુ કમિટીમાં પ્રોપર્ટી ટ્રાન્સફર ફીમાં વધારાનો લેવાયો નિર્ણય
• ટ્રાન્સફર ફી ને કારણે AMC ને વાર્ષિક 15 કરોડ ની થશે આવક 

 અમદાવાદ મ્યુનિસિપલ કોર્પોરેશનની કચેરી ખાતે મળેલી રેવન્યું કમિટીની બેઠકમાં પ્રોપર્ટી ટ્રાન્સફર ફી માં વધારો કરવામાં આવ્યો છે. ત્યારે સોસાયટીની ટ્રાન્સફર ફી કરતા પ્રોપર્ટીની ટ્રાન્સફર ફી ઓછી હોય છે. ત્યારે આગામી 15 જાન્યુઆરીથી પ્રોપર્ટી ટ્રાન્સફર ફી માં વધારો કરવાનો નિર્ણય AMC દ્વારા કરવામા આવ્યો છે. 25 લાખ સુધીની પ્રોપર્ટીમાં 2 હજાર ફી લેવામાં આવશે અને મિલ્કતની કિંમત પ્રમાણે ફી નક્કી કરવામાં આવશે. ટ્રાન્સફર ફી ને કારણે AMC ના વાર્ષિક 15 કરોડની આવક થશે. ત્યારે વિલ અને વારસાઈની મિલકતમાં ફી લાગુ પડશે નહિ.

ટ્રાન્સફર ફી ને કારણે AMC ને વાર્ષિક 15 કરોડ ની થશે આવક 
આ બાબતે અમદાવાર મ્યુનિસિપલ કોર્પોરેશનના રેવન્યું કમિટિના ચેરમેન જૈનિક વકીલે વધુમાં જણાવ્યું હતું કે અમદાવાદ કોર્પોરેશન દ્વારા રેવન્યું કમિટીમાં નિર્ણય લેવામાં આવ્યો છે. જેમાં પ્રોપર્ટી ટ્રાન્સફર ફી માં વધારો કરવામાં આવ્યો છે. સોસાયટીની ટ્રાન્સફર ફી કરતા પ્રોપર્ટીની ટ્રાન્સફર ફી ઓછી હોય છે. આ વધારાનો અમલ તા.16 જાન્યુઆરીથી કરવામાં આવશે. 25 લાખ સુધીના સ્લેબમાં 1000 રૂા. ટ્રાન્સફર ફી લેવામાં આવશે. જ્યારે 25 થી 50 લાખ સુધીની પ્રોપર્ટીમાં 2 હજાર રૂા. ફી છે અને 50 લાખથી દોઢ કરોડની મિલકત પર 0.10 %  ચાર્જ ફી થશે. જ્યારે દોઢ કરોડથી ઉપરની મિલકત પર 0,.40 %  ફી લેવામાં આવશે. ટ્રાન્સફર ફી ને કારણે અમદાવાદ મ્યુનિસિપલ કોર્પોરેશનને 15 કરોડથી વધુની આવક થશે. પાછળના વર્ષમાં 10471 કુલ મિલ્કત ટ્રાન્સફર થઈ છે. જેમાં 1237 મિલકત 50 લાખ ઉપરની વીલ અને વારસાઈની મિલક્તમાં ફી લાગુ નહિ પડે તેમ જણાવ્યું હતું.