TRAIએ DTH અને કેબલ ઓપરેટર્સ દ્વારા ગ્રાહકોને દેખાડવામાં આવી રહેલી પેઇડ ચેનલોની MRP લિસ્ટ જારી કરી છે. 29 ડિસેમ્બર પછી DTH અને કેબલ ઑપરેટર્સે આ ચેનલો માટે TRAI દ્વારા નિર્ધારિત કરેલી કિંમતથી વધારે કિંમત નહી વસૂલી શકે. નિર્ધારિત કિંમતોથી વધારે કિંમત લેવા પર ગ્રાહકો તેની ફરિયાદ TRAIને કરી શકે છે.TRAIએ પોતાની ઓફિશિયલ વેબસાઇટ પર પેડ ચેનલોનું લિસ્ટ જાહેર કર્યું છે.
10 પૈસાથી લઇને 1800 રૂપિયા સુધીની ચેનલોની રેન્જ:
TRAI દ્વારા જાહેર કરવામાં આવેલા લિસ્ટમાં સોની પિક્ચર્સ સ્ટાર ઇન્ડિયા અને ઝી એન્ટરટેનમેન્ટ સહિત
42 બ્રોડકાસ્ટર્સની કુલ 332 ચેનલોનું ઇન્ડીવિજ્યુઅલી પ્રાઇસ લિસ્ટ જાહેર કર્યું છે. ચેનલોની કિંમત 10 પૈસાથી લઇ 1800 રૂપિયા સુધી છે. જોકે જેમાં મોટાભાગની ચેનલોની કિંમત 10 પૈસાથી લઇને 19 રૂપિયા સુધી છે.
માત્ર Topper TV અને NHK World Premium (HD Distribution) આ રેન્જમાંથી બહાર છે. Topper TV ની માસિક ચાર્જ જ્યાં 59.32 રૂપિયા છે જ્યારે NHK World Premium (HD Distribution) માસિક ચાર્જ 1800 રૂપિયા છે. 29 ડિસેમ્બર બાદ ગ્રાહકોએ પોતાની પસંદની ચેનલના જ પૈસા ચુકવવાના રહેશે.
Zeeની સૌથી વધારે ચેનલ:
- પેડ ચેનલ્સની વાત કરીએ તો સૌથી વધારે સંખ્યા Zee ગ્રુપના ચેનલ્સની છે. તે પછી Star India અને TV18 ગ્રુપ્સનું નામ આવે છે. સ્ટાર ઇન્ડિયાની કુલ 51 પે ચેનલ્સ છે. જેમા 23 ચેનલો 19 રૂપિયાની
એમઆરપીવાળી છે. પાંચ ચેનલ 1 રૂપિયાની કિંમતવાળી છે. જો તમે સંપૂર્ણ પેકેજ લેવા માંગો છો તો માસિત તેના માટે 646 રૂપિયા ચુકવવાના રહેશે.
- ZEE એંટરટેનમેન્ટની કુલ 41 ચેનલ્સ છે જેમા 19 ચેનલ 19 રૂપિયાવાળી છે. જી એંટરટેનમેન્ટના પે ચેનલની એવરેજ પ્રાઇસ 12.32 રૂપિયા છે.
- સોનીની 25 પે ચેનલ્સ છે. એવરેજ પ્રાઇસ 12 રૂપિયા પ્રતિ મહિનાની છે. બધી જ ચેનલ્સ મિક્ષ કરીને મંથલી પેક 301 રૂપિયાની આસપાસ પડશે.
- ચેન્નઇ બેસ્ડ બ્રોડકાસ્ટર સનની 33 પે ચેનલ્સ છે. એવરેજ પ્રાઇસ 11 રૂપિયા છે.
- વોયકોમ-18ની ટોટલ 32 પે ચેનલ્સ છે. જેની એવરેજ કોસ્ટ 7.80 રૂપિયા છે. 32 ચેનલ્સની ટોટલ કોસ્ટ દર મહિને 250 રૂપિયા થાય છે.
- ત્યારબાદ ટાઇમ્સ ગ્રુપ ડિસ્કવરી ટીવી10 ન્યૂઝ જી ન્યૂઝ એનડીટીવીના ચાર્જ આ ચેનલોની સરખામણીએ ઓછા છે.
29 ડિસેમ્બરથી લાગૂ થશે નવો નિયમ:
ઉલ્લેખનીય છે કે તાજેતરમાં જ TRAIએ ટેલિકોમ્યુનિકેશન ઇન્ટરકનેક્શન રેગ્યુલેશન એક્ટ લાગૂ કર્યો છે જે હેઠળ 29 ડિસેમ્બર પછી DTH અને કેબલના ગ્રાહકો ન તો માત્ર આ ચેનલો માટે જ પેમેન્ટ કરવાનું રહેશે જે તેઓ જોવા ઇચ્છે છે. જોકે ગ્રાહકો આ સાથે ધ્યાન રાખે કે TRAIએ 130 રૂપિયામાં 100 ફ્રી ટૂ એર ચેનલ દેખાડવાનો નિર્દેશ કર્યો છે. આ 100 ચેનલોમાં 26 દૂરદર્શનની છે આ સિવાય ગ્રાહકો પોતાની પંસદગીની 74 ફ્રી ટૂર એર ચેનલ પસંદ કરી શકે છે.