ચેકિંગના નામ પર ઘણી વખત ટ્રાફિક પોલીસકર્મી ગુંડાગીરી પર આવી જાય છે. એવા ઘણી વીડિયો સોશિયલ મીડિયા પર વાયરલ થતા જ રહે છે. પરંતુ નિયમ શું છે તે જાણી લો....
ટ્રાફિકના આ નિયમો વિશે જાણો છો તમે?
ગાડી લઈને નિકળતા પહેલા આટલું ધ્યાનમાં રાખી લો
જાણો શું છે નિયમો
જો તમે વાહન ચલાવી રહ્યો છો તો તમને અમુક જરૂરી નિયમોની જાણકારી હોવી જોઈએ. ઘણી વખત ટ્રાફિક પોલીસ ચેકિંગ વખતે ગાડીની ચાવી (Snatch Vehicle Key) કાઢી લે છે. પરંતુ શું તમે જાણો છો કે તેમને આ વાતનો કોઈ અધિકારી નથી હોતો. જો તમારી સાથે પણ એવું કંઈ થાય ત્યારે તમારે શું કરવું જોઈએ તે જાણી લો.
શું પોલીસ પાસે છે તમારી ચાવી કાઢવાનો અધિકાર?
જણાવી દઈએ કે ટ્રાફિક પોલીસકર્મીની પાસે ચેકિંગ દરમિયાન તમારી ગાડીમાંથી ચાવી કાઢવાનો કોઈ અધિકારી નથી હોતો. આ ઉપરાંત તે તમારી ગાડીના ટાયરની હવા કાઢવાનો પણ તેમની પાસે કોઈ અધિકાર નથી હોતો. પોલીસકર્મી તમારી સાથે ગેરવર્તણુક કે અપશબ્દો કે એવી કોઈ ભાષાનો ઉપયોગ ન કરી શકે. જો તમારી સાથે પોલીસકર્મી આમ કરે છે તો તમે પુરાવા માટે તે ઘટનાનો વીડિયો બનાવી લો. પછી નજીકના પોલીસ સ્ટેશન પર જઈને અથવા તેના સીનિયર અધિકારીને તેની ફરીયાદ કરી શકો છો કારણ કે મોટર વ્હીકલ એક્ટ 2019 (Motor Vehicle Act 2019)માં ટ્રાફિક પોલીસકર્મીને આમ કરવાનો કોઈ અધિકાર નથી આપ્યો.
જો અધિકારી ટ્રાફિક પોલીસનો પક્ષ લે તો શું કરવું જોઈએ?
ત્યાર બાદ પણ જો પોલીસ સ્ટેશનમાં અથવા સીનિયર અધિકારી તમારી સાથે ગેરવર્તણુક કરનાર પોલીસકર્મીનો પક્ષ લે તો તમે આ મામલાને હાઈ કોર્ટ સુધી લઈ જઈ શકો છો. જો તમે ગરીબી રેખાની નીચે આવો છો અને તમારી પાસે બીપીએલ કાર્ડ છે તો કાયદાના જાણકાર વકીલ તમને મફત સલાહ આપશે. પછી હાઈ કોર્ટ તે ટ્રાફિક પોલીસકર્મી અને તેના સીનિયર અધિકારીને સસ્પેન્ડ કરશે.
ચેકિંગના નામ પર ન કરી શકે ગુંડાગીરી
જાણી લો કે મોટર વ્હીકલ એક્ટ 2019 (Motor Vehicle Act 2019) કોઈ પણ ટ્રાફિક પોલીસકર્મીને ચેકિંગના નામ પર ગુંડાગીરીનો અધિકાર નથી આપતું. સીનિયર અધિકારી પણ તમારી સાથે ગેરવર્તણુક ન કરી શકે અને તમારી ગાડીની ચાવી ન કાઢી શકે.
મહત્વનું છે કે એક આરટીઆઈના જવાબમાં હરિયાણા પોલીસે કહી ચુકી છે કે ટ્રાફિક પોલીસકર્મી હાથનો ઈશારો આપીને તમારૂ વાહન રોકી શકે છે પરંતુ તે તમને હાથ ન લગાવી શકે. હા જો હાથનો ઈશારો કર્યા બાદ કોઈ વાહન નથી ઉભુ રહેતું તો તે તમારા વિરૂદ્ધ ઉચીત કાર્યવાહી કરી શકે છે.
જો કે દેશના એક સારા નાગરિક તરીકે આપણે ટ્રાફિક સહિત તમામ નિયમોનું પાલન કરવું જોઈએ. એ આપણી ફરજ પણ છે અને આપણી જ સલામતી માટે અગત્યનું છે.