બેદરકારી / ટ્રાફિક દંડ વસૂલવા થનગનતી સરકાર RTOના સર્વર રીપેર કરે તો ય સારું

• 16 સપ્ટેમ્બરથી નવા નિયમોની થવાની છે અમલવારી
• અમલવારી પહેલા જ RTO કચેરીનું સર્વર ડાઉન
• છેલ્લા 2 દિવસથી સર્વર ડાઉન હોવાથી પરેશાની

આજે સવારથી અરજદારો લાઈસન્સ સહિતની કામગીરીને લઈને RTO પહોંચ્યા હતાં. જોકે આ દરમિયાન સર્વર ડાઉન હોવાના કારણે અરજદારો અટવાયાં હતા. જો કે ગઇકાલે ગુરૂવારે પણ સર્વર ડાઉન જોવા મળ્યું હતું.
 

જેના કારણે ગુરૂવારે આવેલા અરજદારોને આજે બોલાવવામાં આવ્યાં હતા. આજે બીજા દિવસે પણ સર્વર ડાઉન હોવાના કારણે અરજદારોને પરેશાની થઈ રહી છે.

આમ રાજ્યમાં નવા મોટર વ્હીકલ એક્ટ લાગૂ થયા બાદ મોટી સંખ્યામાં લોકો લાઇસન્સ કઢાવવા માટે RTO પહોંચી રહ્યાં છે. જો કે ગઇકાલે અમદાવાદની RTO ઓફિસમાં સર્વર ડાઉન થતાં આવેલા અરજદારો અટવાયાં હતા.
 

ગઇકાલે પણ વહેલી સવારે સર્વર ડાઉન થઇ જતાં કામગીરી બંધ જોવા મળી હતી. જેને લઇને લાઇસન્સ કઢાવવા અને RTOમાં અન્ય કામગીરી માટે પહોંચેલા લોકોને પરેશાનીનો સામનો કરવો પડ્યો હતો.

જો કે કેન્દ્ર સરકાર દ્વારા ટ્રાફિકના નિયમોનું ઉલ્લંઘન કરનારાઓ સામે લાલ આંખ કરી હતી. કેન્દ્ર સરકાર દ્વારા ટ્રાફિકના નિયમોનું ઉલ્લંઘન બદલ દંડમાં ધરખમ વધારો કરી દેવામાં આવ્યો છે.

જો કે રાજ્યની રૂપાણી સરકારે આ કાયદામાં આંશિક રાહત આપતા 16 ઓક્ટોબરથી આ કાયદો રાજ્યમાં અમલ કરવામાં આવશે તેવી જાહેરાત કરી હતી.