રેસિપી / હોળીની પરંપરાગત સ્વીટ ગણાય છે આ વાનગી, બંગાળમાં છે ખૂબ જ ફેમસ, તમે પણ કરી લો ટ્રાય

• હોળીના દિવસે બનાવો પરંપરાગત રેસિપિ
• ગુજીયા ખાસ કરીને હોળીના દિવસે બને છે
• બંગાળમાં આ ડિશ ફેમસ છે

પરંપરા અનુસાર અનેક દેશોમાં ગુજીયાની આ સ્વીટ બનાવવામાં આવે છે. તે ખાસ કરીને દિવાળીમાં બનતા ઘૂઘરા જેવી હોય છે. આજે અમે આપના માટે સરળ પ્રકારના ગુજીયાની રેસિપિ લાવ્યા છીએ. તો તમે પણ નોંધી લો આ ખાસ રેસિપિ અને બનાવો હોળીને ખાસ. 

ગુજીયા

સામગ્રી

- પાંચસો ગ્રામ મેંદો
- બસો ગ્રામ માવો
- પાંચસો ગ્રામ ખાંડ
- સો ગ્રામ ઘી
- સો ગ્રામ દળેલી ખાંડ
- પચાસ ગ્રામ અંજીર-બદામ-પિસ્તા
- કાજુની કતરી
- વરખ
- તળવા માટે ઘી

રીત 

મેંદાનાં લોટમાં ઘી ગરમ કરી નાંખો. પુરી જેવો લોટ બાંધો. ઘી મૂકી માવો શેકો. અંજીરનાં ટુકડા કરી ક્રશ કરી નાંખો. દળેલી ખાંડ, કાજૂ-બદામ-પિસ્તા મિક્સ કરો. મેંદાનાં લોટમાંથી નાની પુરી વણી ઉપરનું પુરણ ભરો. ફરી એક પુરી મૂકી મેંદાની લઇથી ચોંટાડો. શેપ આપી(દિવા જેવો, સ્ટાર જેવો) ગરમ ઘીમાં તળો. એક વાસણમાં ખાંડ લઇ ચાસણી બનાવો. તેમાં બોળી વરખ, પિસ્તા-બદામ, કાજુની કતરી છાંટો.