VIDEO / એક તરફ ખેડૂતો પાણી માટે વલખા મારી રહ્યા છે તો ગુજરાતના આ ગામમાં વેડફાયું હજારો લીટર પાણી

• સાંતલપુરની માનપુરા કેનાલમાં ગાબડું
• 30 ફૂટ જેટલું મોટું ગાબડું પડતા વેડફાયું પાણી
• કેનાલમાં હલકી ગુણવત્તાનું બાંધકામ

પાટણ શહેર સહિત સમગ્ર જિલ્લામાં ચોમાસાની શરૂઆત બાદ વરસાદ ખેંચાતા ખેડૂતો દ્વારા વાવણી કરાયેલા પાક નિષ્ફળ જવાની સંભાવના સેવાઈ રહી છે ત્યારે પાટણ જિલ્લાના રાધનપુર પંથકના ખેડૂતો કેનાલોમાં પાણી છોડવામાં આવે તેવી માંગ કરી રહ્યા છે. તો બીજી તરફ કેનાલમાં ગાબડું પડવાનો કારણે હજારો લીટર પાણીનો વ્યય થયો હોય તેવું સામે આવી રહ્યું છે. 

30 ફૂટ જેટલું મોટું ગાબડું પડતા વેડફાયું પાણી

રાજ્યમાં એક તરફ પાણીની તંગી જોવા મળી રહી છે તો બીજી તરફ પાણીનો વેડફાટ થતો હોય તેવા દ્રશ્યો સામે આવ્યા છે, પાટણના રાધનપુરમાંથી પસાર થતી કેનાલમાં મોટું ગાબડું પડતા હજારો લીટર પાણીનો વેડફાટ થઈ રહ્યો છે. સાંતલપુરની માનપુરા કેનાલમાં ગાબડું પડતા પાણીનો વ્યય થઈ રહ્યો છે, ગાબડું પડતાં કેનાલના પાણી આજુબાજુના ખેતરોમાં પાણી ફરી વળતા ખેડૂતોને પડતાં ઉપર પાટું ન માર વેઠવાનો વારો આવ્યો છે. સાંથળી ડિસ્ટ્રીક્ટમાં જાવંત્રી ગામ પાસે કેનાલમાં 8 ફૂટનું મસ્ત મોટું ગાબડું પડતા સ્થાનિકોમાં રોષ પણ  જોવા મળી રહ્યો છે. 

કેનાલમાં હલકી ગુણવત્તાનું બાંધકામ

મહત્વનું છે કે કેનાલમાં ગાબડું પડવાની ઘટનાને લઈ સ્થાનિકો દ્વારા કેનાલના બાંધકામને લઈ સવાલો કરવામાં આવી રહ્યા છે અને કેનાલમાં તંત્ર દ્વારા હલકી ગુણવત્તાના કરવામાં આવતા વારંવાર ગાબડાની ઘટનાઓ સામે આવે છે તેવું કહેવામાં આવી રહ્યું છે. અવાર નવાર કેનાલોમાં ગાબડાં પડતાં કેનાલોના કામમાં ભષ્ટ્રાચાર આચરાયો હોવાનાં આક્ષેપ ઉઠવા પામ્યા છે. તો નર્મદાના અધિકારીઓને કેનાલમાં પડેલ ગાબડાની જાણ કરવા છતાં કોઇ ના આવતા ખેડૂતો દ્વારા જાતે રીપેરીંગ હાથ ધરાયું હતું.