વન ડે / મહિલા વર્લ્ડકપમાં કાલે મહામુકાબલોઃ પાકિસ્તાન સામે ક્યારેય નથી હારી ભારતીય વીરાંગનાઓ

• 12મા મહિલા વન ડે વર્લ્ડકપની ન્યુઝીલેન્ડમાં થઈ શરૂઆત
• પ્રથમ મુકાબલામાં યજમાન ટીમને વિન્ડીઝે ત્રણ રનથી હરાવી દીધી
• આવતીકાલે ભારત-પાકિસ્તાન સામે જામશે ખરાખરીનો જંગ

ભારતીય ટીમે 10 વન-ડેમાં પાકિસ્તાનની મહિલા ટીમને કચડી નાખી

ભારત અને પાકિસ્તાનની મેચ દુનિયાના કોઈ પણ ખૂણામાં રમાય, તેનો રોમાંચ કંઈક અલગ જ હોય છે. હેડ ટુ હેડ રેકોર્ડની વાત કરવામાં આવે તો ભારતીય ટીમનું પલડું પાડોશી દેશ સામે સંપૂર્ણપણે ભારે દેખાઈ રહ્યું છે, સાથે જ વર્લ્ડકપમાં પાકિસ્તાન સામે ટીમ ઇન્ડિયા અજેય છે. તાજેતરમાં મેન્સ ટી-૨૦ વર્લ્ડકપ-૨૦૨૧ પહેલાં ભારતીય પુરુષ ટીમ પણ વર્લ્ડકપમાં પાકિસ્તાન સામે અજેય હતી. વુમન્સ વર્લ્ડકપમાં આ પહેલાં ભારત-પાક. વચ્ચે બે વાર ટક્કર થઈ છે અને બંને વાર ભારતીય વીરાંગનાઓએ જીતનો જશ્ન મનાવ્યો છે. ઓવરઓલ વન ડે રેકોર્ડની વાત કરીએ તો ભારતનો રેકોર્ડ પાકિસ્તાન સામે એકદમ ક્લીન છે એટલે કે ભારતીય ટીમે બધી જ ૧૦ વન ડેમાં પાકિસ્તાનની મહિલા ટીમને કચડી નાખી છે. ૨૦૧૭ અને તેની પહેલાં ૨૦૦૯ના વર્લ્ડકપ-બંને વાર ભારત સામે પાકિસ્તાની ટીમ ૧૦૦ના આંક સુધી પણ પહોંચી શકી નહોતી.

A solid show with the bat 👍

An impressive display with the ball 💪#TeamIndia beat West Indies by 81 runs in the #CWC22 warm-up game. 👏 👏 #INDWvWIW

📸 📸: ICC/Getty Images pic.twitter.com/aMlGYVyNYJ

— BCCI Women (@BCCIWomen) March 1, 2022

2017ના વુમન્સ વર્લ્ડ કપમાં પાકિસ્તાનનો કારમો પરાજય થયો હતો

૨૦૧૭ના વુમન્સ વર્લ્ડકપમાં ભારતીય મહિલા ટીમે પાકિસ્તાની ટીમને ૯૫ રન કારમો પરાજય આપ્યો હતો. એ મેચમાં એકતા બિષ્ટે ૧૮ રન આપીને સૌથી વધુ પાંચ વિકેટ ઝડપી હતી. એ પહેલાં ૨૦૦૯ના વર્લ્ડકપમાં પણ ભારતે પાકિસ્તાન સામે ૧૦ વિકેટથી શાનદાર જીત મેળવી હતી. ભારત અને પાકિસ્તાન વચ્ચેનો મુકાબલો આવતી કાલે માઉન્ટ મૌન્ગાનુઈના બે-ઓવલ મેદાન પર રમાશે. વિશ્વકપમાં બંને ટીમ વચ્ચે આ ત્રીજી ટક્કર હશે. વર્લ્ડકપની શરૂઆત પહેલાં બંને ટીમ પોતપોતાની વોર્મઅપ મેચ જીતીને આવી છે. પાકિસ્તાને યજમાન ન્યૂઝીલેન્ડને માત આપી હતી, જ્યારે ભારતે વિન્ડીઝ અને દક્ષિણ આફ્રિકાની ટીમને હરાવી હતી.