ટોક્યો ઓલમ્પિકમાં ગયેલ ભારતીય ખેલાડીઓ પર ઇનામોનો વરસાદ થઈ રહ્યો છે. ટોક્યોમાં અત્યાર સુધી ભારતના ખેલાડીઓનું પ્રદર્શન ઘણું સખત રહ્યું છે. હોકીમાં 41 વર્ષ બાદ ભારતીય ટીમ કોઈ મેડલ જીતીને આવ્યું છે તો પી વી સિંધુ સતત બીજી વાર ઓલમ્પિકમાં મેડલ જીતવામાં સફળ રહ્યા.
ટોક્યો ઓલમ્પિકમાં ભારતનું પ્રદર્શન સરસ રહ્યું
હોકીમાં 41 વર્ષ બાદ ભારતીય ટીમ કોઈ મેડલ જીતીને આવ્યું
દેશભરમાંથી મળી અઢળક પ્રશંશા
ટોક્યો ઓલમ્પિકમાં ગયેલ ભારતીય ખેલાડીઓ પર ઇનામોનો વરસાદ થઈ રહ્યો છે. ટોક્યોમાં અત્યાર સુધી ભારતના ખેલાડીઓનું પ્રદર્શન ઘણું સખત રહ્યું છે. હોકીમાં 41 વર્ષ બાદ ભારતીય ટીમ કોઈ મેડલ જીતીને આવ્યું છે તો પી વી સિંધુ સતત બીજી વાર ઓલમ્પિકમાં મેડલ જીતવામાં સફળ રહ્યા. વેટલીફટિંગમાં મીરાંબાઈ ચાનૂને સિલવર મળ્યો છે. આ બધા જ ખેલાડીઓને તેમના સારા પ્રદર્શનને કારણે ઘણા બધા સન્માન મળવા જઈ રહ્યા છે.
મીરાંબાઈ ચાનૂ
જો ઇનામોની વાત કરીએ તો ભારતને સિલ્વર મેડલ અપાવનાર મીરાંબાઈ ચાનૂની વાત કરીએ તો તેમને મણીપુરના ASP બનાવવામાં આવ્યા છે. આ ઉપરાંત ત્યાંનાં CM દ્વારા 1 કરોડ રૂપિયા રોકડા આપવાની પણ વાત કરી હતી. વધુમાં તેમણે એ એલાન કર્યું હતું કે રાજ્યમાંથી ભાગ લેનાર બધા જ ખેલાડીઓને 25 લાખ રૂપિયાનું ઈનામ આપવામાં આવશે.
પી વી સિંધુ
આ સાથે જ પી વી સિંધુ પર પણ ઈનામનો વરસાદ થઈ રહ્યો છે. આંધ્રપ્રદેશ સરકારે પી વી સિંધુને 30 લાખ રૂપિયા કેશ આપવાની જાહેરાત કરી, ઇંડિયન ઓલમ્પિક એસોસીએસન દ્વારા પણ 25 લાખ રૂપિયા આપવામાં આવશે.
નીલકાંતા શર્મા
ભારતીય હોકી ટીમના ખેલાડી નીલકાંતા શર્માને મધ્યપ્રદેશ સરકાર તરફથી 1 કરોડ રૂપિયા આપવાની ઘોષણા કરવામાં આવી અને મણિપુરના CM દ્વારા 75 લાખ રૂપિયા આપવામાં આવશે. સાથે જ મણીપુરમાં રમત સાથે જોડાયેલી સરકારી નોકરી પણ આપવામાં આવશે. હાલમાં તેઓ રેલવેમાં TC તરીકે કામ કરી રહ્યા છે.
વિવેક સાગર
સાથે જ હોકીના મધ્યપ્રદેશના ખેલાડી વિવેક સાગરને પણ 1 કરોડ રૂપિયા આપવાની વાત કરી. પંજાબના CM દ્વારા પણ પોતાના રાજ્યના ખેલાડીઓને 1-1 કરોડના રૂપિયા આપવાની જાહેરાત કરી, સાથે જ હરિયાણાના CM દ્વારા 2.5 -2.5 કરોડ રૂપિયા આપવામાં આવશે તેવી જાહેરાત કરી.
રવિ દહિયા
રવિ દહિયાને હરિયાણા સરકાર દ્વારા 4 કરોડ રૂપિયા રોકડા આપવામાં આવશે, આ ઉપરાંત ક્લાસ વનની નોકરી અને HSVP તરફથી પ્લોટ પણ આપવામાં આવશે. સાથે જ તેના ગામડાં એક ઇનડોર રેસલિંગ સ્ટેડિયમ બનાવવામાં આવશે.
આ સાથે જ રેલેવે દ્વારા પણ ગોલ્ડ જીતનાર દરેકન ખેલાડીને 3 કરોડ અને તેના કોચને 20 લાખ રૂપિયા આપવાની વાત કરી છે. સિલ્વર જીતનાર ખેલાડીને 2 કરોડ અને તેના કોચને 20 લાખ રૂપિયા આપવામાં આવશે, બ્રોન્ઝ જીતનાર ખેલાડીઓને 1 કરોડ અને તેના કોચને 15 લાખ રૂપિયા આપવામાં આવશે અને ઓલમ્પિકમાં ભાગ લેનાર બધા જ ખેલાડીઓને 7.5 લાખ રૂપિયા આપવામાં આવશે.