જૂનાગઢમાં મહાનગરપાલિકાની ચૂંટણીના પરિણામ જાહેર થઇ રહ્યા છે. જેમાં સપષ્ટ ભાજપની જીત દેખાઇ રહી છે. તો મતગણતરીના કેન્દ્ર પર કોઇ અણબનાવ ન બને જેને લઇને પોલીસનો ચુસ્ત બંદોબસ્ત ગોઠવી દેવામાં આવ્યો છે.
મહાનગરપાલિકાની 14 વોર્ડની 56 બેઠકો માટે મતગણતરી યોજાઇ છે. આ ચૂંટણીમાં સરેરાશ 50 ટકા મતદાન થયુ હતુ. તો મહાનગરપાલિકાની 15 બેઠકમાંથી એક બેઠક બિનહરીફ જાહેર થઈ છે. જ્યારે વોર્ડ નંબર-3ના ભાજપના ત્રણ ઉમેદવાર બિનહરીફ જાહેર થતા ચૂંટણી યોજાઈ નથી.
મહાપાલિકા બન્યા બાદ ભાજપે 2 વખત સત્તા મેળવી છે. તો કોંગ્રેસને એક વખત સત્તા મળી છે. જો કે આ વખતના ચૂંટણીજંગમાં NCP પણ મેદાનમાં છે. ત્યારે મનપાની ચૂંટણીમાં ભાજપના 56 ઉમેદવાર, કોંગ્રેસના 52, NCPના 25, અપક્ષના 25 અને CPI(M)ના 3 ઉમેદવારના ભાવિનો આજે ફેંસલો થશે.