હેલ્થ / આજે Kiss Day: કિસ કરતા પહેલાં રાખજો આ બાબતોનું ખાસ ધ્યાન, નહીંતર થઇ શકે છે આ 5 ગંભીર બીમારી

• પાર્ટનરને પ્રેમમાં કિસ કરવી ખૂબ જ સામાન્ય છે
• કિસ કરવાથી ઘણા ખતરનાક ચેપ અને રોગોનું જોખમ વધી જાય
• કિસ કરવાથી કયા રોગનું જોખમ વધે છે ચાલો જાણીએ

વેલેન્ટાઇન વીક ચાલી રહ્યું છે અને યુગલો એકબીજા પ્રત્યેના પ્રેમને વ્યક્ત કરવા માટે જુદા જુદા દિવસોની ઉજવણી કરી રહ્યા છે.  આજે કિસ ડે છે અને કિસ પ્રેમને વ્યક્ત કરવાની એક રીત છે.  તમારા પાર્ટનરને પ્રેમમાં કિસ કરવી ખૂબ જ સામાન્ય છે. અતૂટ સંબંધ અને પ્રેમ વ્યક્ત કરવા માટે પાર્ટનર્સ એકબીજાને કિસ કરે છે. કિસ ડે દર વર્ષે વેલેન્ટાઈન ડે પહેલા ઉજવવામાં આવે છે. પણ શું તમે જાણો છો કે એવા વૈજ્ઞાનિક પુરાવા પણ છે કે કિસ કરવાથી ઘણા ખતરનાક ચેપ અને રોગોનું જોખમ વધી જાય છે. કયા રોગનું જોખમ વધે છે ચાલો જાણીએ.. 

હર્પીસ(Herpes)
સામાન્ય રીતે  હર્પીસ વાયરસ બે પ્રકારના હોય છે - HSV-1 અને HSV-2. વક રિપોર્ટ અનુસાર, HSV-1 વાયરસ કિસિંગ દ્વારા ખૂબ જ સરળતાથી ફેલાઈ શકે છે. આ વાઇરસ 50 વર્ષથી ઓછી ઉંમરના 67 ટકા લોકોમાં થવાની સંભાવના છે. જણાવી દઈએ કે  તેના મુખ્ય લક્ષણો છે મોં કે ગુપ્તાંગમાં લાલ કે સફેદ રંગની ફોલ્લીઓ થવી. ઘણી વખત આ ચેપ કોઈ પણ લક્ષણો વગર પણ વ્યક્તિને તેની ચપેટમાં લઈ લે છે. 

એ જ રીતે HSV-2 હર્પીસનો બીજો પ્રકાર છે અને તેને જીનીટલ હર્પીસ પણ કહેવામાં આવે છે. જણાવી દઈએ કે તે મુખ્યત્વે શારીરિક સંબંધ બાંધવાથી ફેલાય છે પણ કિસ દ્વારા તે ફેલાવવાની શક્યતાઓ છે. HSV-2 ના લક્ષણો પણ HSV-1 જેવા જ છે. જો વ્યક્તિની રોગપ્રતિકારક શક્તિ સારી ન હોય તો તે ગંભીર સ્વરૂપ ધારણ કરી શકે છે. 

સાયટોમેગાલોવાયરસ (Cytomegalovirus)
સાયટોમેગાલોવાયરસ (CMV) એક વાયરલ ચેપ છે જે લાળના સંપર્ક દ્વારા ફેલાય છે. આ સિવાય સાયટોમેગાલોવાયરસ પેશાબ, લોહી, વીર્ય અને માતાના દૂધ દ્વારા પણ સરળતાથી ફેલાઈ શકે છે. આ સાથે જ ઘણીવાર મોંના સંપર્ક દ્વારા પણ ફેલાય છે. તેને સેક્સ્યુઅલી ટ્રાન્સમિટેડ ઇન્ફેક્શન (STI) પણ કહેવામાં આવે છે. થાક, ગળામાં દુખાવો, તાવ અને શરીરમાં દુખાવો એ CMVના મુખ્ય લક્ષણ છે.

સિફલિસ (Syphilis)
સિફિલિસ એ બેક્ટેરિયલ ઇન્ફેકશન છે જે કિસ અથવા જાતીય પ્રવૃત્તિઓ દરમિયાન થઈ શકે છે. જણાવી દઈએ કે સિફિલિસના સંપર્કમાં આવવાથી મોંની અંદર ચાંદા અથવા ફોલ્લા જેવી સમસ્યાઓ થાય છે. જોકે આ ઈન્ફેક્શનને એન્ટી બાયોટીક્સથી કંટ્રોલ કરી શકાય છે પણ સમયસર સારવાર ન કરવામાં આવે તો તે અત્યંત જીવલેણ સાબિત થઈ શકે છે. તેના મુખ્ય લક્ષણ તાવ, માથાનો દુખાવો, ગળામાં દુખાવો, શરીરમાં દુખાવો, થાક, હૃદય સંબંધિત સમસ્યાઓ, યાદશક્તિમાં ઘટાડો છે.

મેનિન્જાઇટિસ (Meningitis)
કિસ કરવાથી લોકો મેનિન્જાઇટિસનો શિકાર પણ બની શકે છે. આ બેક્ટેરિયલ ચેપ સામાન્ય રીતે કિસ દ્વારા ફેલાય છે. તાવ, માથાનો દુખાવો અથવા ગરદનમાં જકડતા તેના કેટલાક મુખ્ય લક્ષણો છે. 

રેસ્પરેટરી વાયરસ (Respiratory Virus)
સામાન્ય રીતે રેસ્પરેટરી વાયરસ સાથે જોડાયેલ સમસ્યાઓ માટે સામાન્ય રીતે શ્વસન વાયરસ ઓરી, શરદી અથવા ફ્લૂને જવાબદાર ગણવામાં આવે છે. પણ આ વાયરસ ચેપગ્રસ્ત વ્યક્તિ સાથે રૂમમાં રહેવાથી અથવા તેની વસ્તુઓનો ઉપયોગ કરીને પણ ફેલાય છે. સાથે જ આવી વ્યક્તિને કિસ કરવાથી પણ આ વાયરસ ફેલાય છે.