હાશકારો / ગો કોરોના ગો! ચોથી લહેરની ચેતવણીઓ વચ્ચે કોરોના કેસમાં મોટી રાહત, એક જ દિવસમાં જુઓ કેટલો થયો ઘટાડો

• વિશ્વમાં વધતા જતા કેસો વચ્ચે દેશમાં કોરોનાનાં કેસમાં મોટી રાહત
• આજે પણ કોરોનાનાં કેસમાં થયો ઘટાડો 
• દેશમાં એક્ટિવ કેસ પણ ઘટીને 16 હજાર 187 થઇ ગયા

દેશમાં છેલ્લાં કેટલાંય સમયથી કોરોનાનાં કેસોમાં વધઘટ થઇ રહી છે. ત્યારે આજે કોરોનાના નવા કેસોમાં ઘટાડો જોવા મળ્યો છે. છેલ્લાં 24 કલાકમાં દેશમાં કોરોનાના 1421 નવા કેસ નોંધાયા છે અને 149 લોકોના મોત થયા છે. જે ગઈ કાલે 1660 કેસ હતાં. ત્યારે અત્યાર સુધીમાં દેશમાં કોરોનાના કુલ 4 કરોડ 30 લાખ 19 હજાર 453 કેસ નોંધાયા છે. ત્યારે અહીં જોઇશું કે, આખરે દેશમાં હાલમાં કોરોનાની શું છે પરિસ્થિતિ?

એક્ટિવ કેસો - 16,187 : કુલ રિકવરી - 4,24,82,262 : કુલ મોત - 5,21,004 : કુલ રસીકરણ - 1,83,20,10,030

India reports 1,421 new COVID19 cases and 149 deaths in the last 24 hours; Active cases stand at 16,187 pic.twitter.com/XB2jJEDyo7

— ANI (@ANI) March 27, 2022

દેશમાં એક્ટિવ કેસ ઘટીને 16 હજાર 187 થઇ ગયા

કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા મુજબ, ગઈ કાલે દેશમાં 1 હજાર 826 લોકો સાજા થયા હતાં ત્યાર બાદ એક્ટિવ કેસની સંખ્યા ઘટીને 16 હજાર 187 થઈ ગઈ છે. આ મહામારીનાં કારણે જીવ ગુમાવનારા લોકોની સંખ્યા વધીને 5 લાખ 21 હજાર 4 થઈ ગઈ છે. મળતી માહિતી અનુસાર, અત્યાર સુધીમાં 4 કરોડ 24 લાખ 82 હજાર 262 લોકો સંક્રમણ મુક્ત થઈ ચૂક્યાં છે.

અત્યાર સુધીમાં 183 કરોડથી વધુ ડોઝ આપવામાં આવ્યાં

રાષ્ટ્રવ્યાપી રસીકરણ અભિયાન હેઠળ, અત્યાર સુધીમાં એન્ટી-કોરોના રસીના 13 કરોડથી વધુ ડોઝ આપવામાં આવ્યાં. ગઈ કાલે 29 લાખ 90 હજાર 658 ડોઝ આપવામાં આવ્યાં હતાં ત્યાર બાદ અત્યાર સુધીમાં વેક્સિનના 183 કરોડ 20 લાખ 10 હજાર 30 ડોઝ આપવામાં આવ્યાં છે. કેન્દ્રીય આરોગ્ય મંત્રાલયના જણાવ્યાં અનુસાર, 2 કરોડ (2,25,55,815) થી વધુ નિવારક રસીઓ આરોગ્ય કર્મચારીઓ, કોરોના યોદ્ધાઓ અને અન્ય રોગોથી પીડિત 60 વર્ષથી વધુ ઉંમરના લોકોને આપવામાં આવી છે. દેશમાં કોવિડ વિરોધી રસીકરણ અભિયાન 16 જાન્યુઆરી, 2021થી શરૂ થયું હતું અને પ્રથમ તબક્કામાં આરોગ્ય કર્મચારીઓને વેક્સિન આપવામાં આવી હતી. તો કોરોના યોદ્ધાઓ માટે વેક્સિનેશન અભિયાન 2 ફેબ્રુઆરીથી શરૂ થયું હતું.