કામની વાત / તમને રાતે ઊંઘ નથી આવતી તો અપનાવો આ ટિપ્સ,ચમત્કારિક રિઝલ્ટ મળશે

ચેરી 

સુતાં પહેલાં એક મુઠ્ઠી ચેરી કે તેના જ્યુસનું સેવન કરવાથી સારી ઊંઘ આવશે. સાથે તેમાં વધુ માત્રામાં મેલાટોનિન હોવાના કારણે શરીરને યોગ્ય રીતે કામ કરવામાં પણ મદદ મળશે. 

હળદળવાળું દૂધ 

રોજ રાતે સુતાં પહેલાં એક ગ્લાસ હળદળવાળું દૂધ પીવાથી આખા દિવસનો થાક દૂર થાય છે. બોડી રિલેક્સ થવાની સાથે સારી ઊંઘ પણ આવે છે. તેમાં કેલ્શિયમ ભરપુર માત્રામાં હોવાથી હાડકાં અને માંસપેશીઓમાં મજબુતાઇ આવે છે. સાથે તણાવ દૂર થાય છે. 

ડાર્ક ચોકલેટ 

જે લોકોને રાતે સારી ઊંઘ ન આવવાની પરેશાનીનો સામનો કરવો પડતો હોય તેમણે સુતાં પહેલાં ડાર્ક ચોકોલેટનું સેવન કરવું જોઇએ. તે નર્વસ સિસ્ટમને રિલેક્સ કરીને સારી ઊંઘ અપાવવામાં મદદ કરે છે. 

બદામ 

બદામમાં વિટામિન, કેલ્શિયમ, આયર્ન, મેગ્નેશિયમ અને એન્ટીઓક્સિડન્ટ હોય છે. આવામાં નિયમિત રીતે સુતાં પહેલાં થોડી બદામ ખાવી જોઇએ. તેનાથી માંસપેશીઓમાં ખેંચાણ અને તણાવ દૂર થવામાં મદદ મળે છે. આવા સંજોગોમાં વ્યક્તિને સારી ઊંઘ આવે છે.
 
આ પણ કરી શકો

• સૂતાં પહેલાં પગનાં તળિયે કોઇ તેલ હુંફાળુ ગરમ કરીને તેની માલિશ કરો. રિલેક્સ અનુભવશો.
• સૂતાં પહેલાં ખુલ્લી હવામાં ટહેલવાથી પણ સારી ઊંઘ આવે છે.
• સૂતાં પહેલાં નહાવાથી શરીરમાં હળવાશ અનુભવાય છે અને સારી ઊંઘ આવે છે. 
• રાત્રે કોઇ પુસ્તક વાંચવાનું કે ગીતો સાંભળવાથી પણ મગજ શાંત થાય છે. 
• રાત્રે દિવસભરની પરેશાનીઓ વિશે વિચારવાના બદલે સકારાત્મક વિચાર કરો.