તમારા કામનું / માતા લક્ષ્મી સાથે છે માટીના ઘડાનું ખાસ કનેક્શન, ઘરમાં આ જગ્યા પર મુકતા જ ધનથી ભરાઈ જશે તીજોરી

• ઘરમાં જરૂર રાખો માટીનું વાસણ 
• દેવી લક્ષ્મીનો થશે વાસ 
• ધન અને અન્નથી ભરેલું રહેશે ઘર 

આજકાલ ઘરમાં માટીના વાસણની જગ્યા પર ફેન્સી જગ લગાવવામાં આવે છે. બહુ ઓછા ઘર એવા હશે જ્યાં માટીના ઘડા કે જગ જોવા મળશે. પરંતુ ઘરમાં માટીનો વાસણ રાખવાથી વ્યક્તિનું સ્વાસ્થ્ય પણ બરાબર રહે છે. સાથે જ વાસ્તુ અનુસાર ઘરમાં માટીનું વાસણ રાખવું ફાયદાકારક છે. કહેવાય છે કે જે ઘરમાં માટીનું વાસણ હોય છે ત્યાં દેવી લક્ષ્મીનો વાસ હોય છે.

વાસ્તુ નિષ્ણાતો કહે છે કે માટીના વાસણને પાણીથી ભરેલું ઘરમાં રાખવાથી કુંડળીમાં મંગળ, બુધ, ચંદ્ર અને શનિ ગ્રહો બળવાન બને છે. તેમજ મા લક્ષ્મીની કૃપાથી વ્યક્તિનું ઘર ધન- ધાન્યથી ભરપૂર રહે છે. ચાલો જાણીએ કે ઘરમાં માટીના વાસણ કે માટલું કઈ દિશામાં રાખવું શુભ છે.

ઘરમાં માટીના વાસણ મુકવાના યોગ્ય નિયમ 

• વાસ્તુશાસ્ત્ર અનુસાર બજારમાંથી નવુ માટલું લાવ્યા પછી તેને સાફ કરીને તેમાં પાણી ભરી રાખો. સૌથી પહેલા આ માટલાનું પાણી કોઈ છોકરીને પીવડાવો. આમ કરવાથી ઘરમાં સમૃદ્ધિ આવે છે.
• માટીના વાસણને ઉત્તર દિશામાં રાખો કારણ કે તે વરુણ દેવ એટલે કે પાણીના દેવતાની દિશા છે. જો આ શક્ય ન હોય તો. તમે તેને ઉત્તર-પૂર્વમાં પણ રાખી શકો છો. આમ કરવાથી ઘરના સભ્યોની આવક વધે છે તેમને પ્રમોશન મળે છે.

• યાદ રાખો કે માટીના વાસણને ક્યારેય ખાલી ન રાખો. ખાસ કરીને રાત્રે ઘડા ખાલી ન હોવા જોઈએ. આમ કરવાથી ધનની હાનિ થાય છે. ઘડા ભરેલા રાખવાથી તમારું ઘર પણ પૈસા અને ભોજનથી ભરેલું રહેશે.
• જો આર્થિક સમસ્યાઓનો અંત ન આવતો હોય અને કરિયર-વ્યવસાયમાં કોઈ સમસ્યા હોય તો દરરોજ સાંજે માટીના વાસણની સામે દીવો પ્રગટાવો. સાંજે કપૂર પણ સળગાવો. તેનાથી ઘરમાં સકારાત્મક ઉર્જા વધશે.

• જો કોઈ વ્યક્તિની કુંડળીમાં શનિ ગ્રહ નબળો હોય તો તેને મજબૂત કરવા માટે માટીના કુંડામાં પાણી ભરીને પીપળાના ઝાડ નીચે રાખો. આમ કરવાથી જીવનની તમામ સમસ્યાઓમાંથી મુક્તિ મળે છે.
• ઘરમાં માટીનું વાસણ રાખીને તેનું પાણી પીવાથી મંગળ, બુધ, ચંદ્ર અને શનિ ગ્રહ બળવાન બને છે.