મુલાયમ અને ફૂલેલી રોટલી બનાવવા જરૂરી છે લોટ અને પાણીનું યોગ્ય પ્રમાણ. આ સાથે તમે નાની ટિપ્સ જાણી લેશો તો રોટલી ફૂલેલી બનશે.
આ રીતે ભેગું કરો પ્રમાણ
એક કપ ચાળેલો લોટ
અડધો કપ દૂધ
પા કપ પાણી
એક ચમચી મોણ
મીઠું સ્વાદ અનુસાર
આ રીતે બાંધો લોટ
લોટ બાંધતી સમયે તેને થાળીમાં કાઢો. તેની વચ્ચે એક ખાડો કરો. તેમાં પાણી, દૂધ, મોણ નાંખો અને કિનારાના લોટને વચ્ચે લાવતા જાઓ. પછી તેને સારી રીતે મિક્સ કરો અને લોટ બાંધો. લોટ બાંધતી સમયે ધીરે ધીરે બાંધો. જેથી તે હાથમાં ચોંટશે નહીં.
આ ટિપ્સથી ચેક કરો લોટ
બાંધેલા લોટ પર આંગળી દબાવતા તે હાથ પર ચોંટવો જોઈએ નહીં.
આંગળીથી દબાવતા તે સરળતાથી દબી જવો જોઈએ.
લોટ બાંધીને તેની પર ધી કે તેલનો હાથ લગાવી 15-20 મિનિટ રહેવા દો.
ફરી એકવાર મસળી લો. હવે અટામણ લઈને રોટલી વણો.
રોટલી શેકતા કરો આ કામ
તવા પર રોટલી નાંખતા પહેલા તેની પરનું વધારાનું અટામણ ખંખેરી લો.
ધ્યાન રાખો કે રોટલી તવા પર મૂકો ત્યારે તેમાં સળ ન પડે.
તવાને પહેલા ફાસ્ટ ગેસ પર ગરમ કરી લો અને તેની આંચ ધીમી કરી લો. જેનાથી રોટલી બળશે નહીં.
30 સેકંડ બાદ રોટલીને પલટાવી લો.
ગેસ પર રોટલીને ફેરવીને શેકો. આમ કરવાથી રોટલી ફૂલશે.