તમારા કામનું / હવે ઇન્ટરનેટ વગર પણ UPI વડે કરી શકો છો ચૂકવણી, મિનિટોમાં જ પૂર્ણ થશે પક્રિયા

• અત્યારે મોટાભાગના લોકો ઓનલાઈન પેમેન્ટ કરે છે
• જો ઈન્ટરનેટ બંધ થઈ જાય તો આ રીતે કરો UPI પેમેન્ટ
• આ સરળ ટ્રિકથી નહીં અટકે તમારું કામ

તમારો નંબર BHIM એપ પર રજીસ્ટર થયેલો હોવો જોઈએ

યુપીઆઈનો ઉપયોગ નોંધપાત્ર રીતે વધ્યો છે. તે ડિઝિટલ વ્યવહારો માટે ડિઝાઈન કરવામાં આવ્યું હતું. જેના દ્વારા તમે પૈસા મોકલી અથવા પ્રાપ્ત કરી શકો છો. સૌથી સારી વાત એ છે કે, તે ઈન્ટરનેટ વિના પણ એક્સેસ કરી શકાય છે. અહીં અમે તમને જણાવી રહ્યા છીએ કે ઇન્ટરનેટ વિના UPI ટ્રાન્ઝેક્શન કેવી રીતે કરવું. આગળ વધતા પહેલા, અમે તમને જણાવી દઈએ કે તમારો નંબર UPI ટ્રાન્ઝેક્શન માટે BHIM એપ પર રજીસ્ટર થયેલો હોવો જોઈએ. તે પછી જ તમે તેનો ઉપયોગ કરી શકશો.

ઇન્ટરનેટ વગર પણ તમે પેમેન્ટ કરી શકો છો 

તમે BHIM એપ પર UPI વ્યવહારો માટે નોંધાયેલા નંબર પરથી ઇન્ટરનેટ વિના પણ UPI પેમેન્ટ કરી શકો છો. આ માટે તમારે ફોનના ડાયલર પર જઈને USSD કોડ *99# ડાયલ કરવો પડશે. તમારો ફોન તમને પોપ-અપ મેનૂ બતાવશે. આમાં તમને ઘણા વિકલ્પો મળશે. અહીં તમને બેલેન્સ ચેક કરવાથી લઈને UPI પિન મેનેજ કરવા સુધીનો વિકલ્પ મળશે. પૈસા મોકલવા માટે, તમારે પૈસા મોકલવાના વિકલ્પ પર જવું પડશે. આ પછી તમારે કોને પૈસા મોકલવા માંગો છો તેની વિગતો દાખલ કરવી પડશે

UPI ID સિવાય તમે બેંકની વિગતો પણ ઉપયોગ કરી શકો છો

આમાં UPI આઈડી સિવાય તમે બેંક ખાતાની વિગતો પણ ઉપયોગ કરી શકો છો. વિગત ભર્યા પછી, તમારે તે રકમ પસંદ કરવી પડશે જે તમે મોકલવા માંગો છો. તે પછી તમારે સેન્ડ પર ક્લિક કરવાનું રહેશે. આગળના પગલામાં તમને રીમાર્ક પૂછવામાં આવશે. તમે 1 દબાવીને તેને છોડી શકો છો. આગલા પગલામાં તમારે UPI પિન આપવો પડશે તમે પિન આપતાની સાથે જ પૈસા ટ્રાન્સફર થઈ જશે. અહીં તમારે UPI પિનમાં ભીમ એપ સાથે નોંધાયેલ પિનનો જ ઉપયોગ કરવાનો રહેશે.