ઘેલછા / આ તે Tik-Tokની કેવી દિવાનગી? શરીર કરી નાંખ્યુ લોહિલુહાણ, Video વાયરલ થયો

• પંચમહાલમાં યુવાને TIK-TOKની ઘેલછાની હદ વટાવી
• યુવાને TIK-TOKમાં વીડિયો બનાવવા શરીર પર કર્યા ઘા
• વીડિયો બનાવવા યુવાને પોતાના શરીર પર જ મારી બ્લેડ

પંચમહાલમાં યુવકની ટીક ટોકને લઇ ઘેલછાએ તમામ હદ વટાવી છે. ઘોઘંબાના ભાનપૂરા ગામનાં યુવાનનો વીડિયો વાયરલ થયો છે. ટીક ટોકની ઘેલછામાં યુવકે શરીર પર લોહીયાળ નિશાન કર્યા છે. 

બ્લેડથી પોતાની જાતને કરી જખમી

ધારદાર બ્લેડથી પોતાના શરીર પર એક પછી એક ચીરા પાડતો વીડિયો યુવાનોની ઈન્ટરનેટની ઘેલછા સામે લાવી રહ્યો છે. યુવકે પોતાના જ ઘરની છત ઉપર વીડિયો બનાવ્યો છે પરંતુ આ હદે પોતાની જાતને નુકસાન પહોંચાડીને મળેલી ફેમ અને નેમ શું કામની? 

ભણવાની ઉમંરે યુવાધન ટીકટોક વીડિયોના રવાડે

ભણવાની ઉમંરે યુવાધન ટીકટોક વીડિયોના રવાડે ચઢીને ગેરમાર્ગે દોરવાઈ રહ્યુ છે એટલું જ નહીં પરંતુ આ વીડિયો સમાજની આંખ ઉઘાડનારો છે જો આ જ રીતે યુવાધન આવા વાહિયાત કામોના રવાડે ચઢશે તો આગળ જતા વાસ્તવિક જીંદગીના કપરા ચઢાણ કેમના પાર પાડશે?