નુકસાન / ભારતના 59 એપ્સ પર પ્રતિબંધથી ચીનને થઈ શકે છે આટલા કરોડનું નુકસાન

• ભારતમાં 59 ચીની એપ પર પ્રતિબંધ
• ચીનની એક જ કંપનીને 45 હજાર કરોડના નુકસાનનો અંદાજ
• બાઈટ ડાન્સને 6 બિલિયન ડોલરના નુકસાનનો અંદાજ

ભારતે સુરક્ષાના કારણોને ગણાવતા કહ્યું કે ચીનના 59 એપ્સને પ્રતિબંધ કરી દીધો છે. ચીનના દરેક એપ્સમાં ટિકટોક ભારતમાં સૌથી વધારે લોકપ્રિય હતુ. અનેક સેલિબ્રિટી ટ્વિટર યૂઝર્સના ફોલોવરની સંખ્યા લાખોમાં છે. ચીનના સમાચાર પત્ર ગ્લોબલ ટાઇમ્સના અંદાજે બાઈટ ડાન્સને 6 બિલિયન ડોલરનું નુકસાન થઈ શકે છે. 

ભારતમાં 60 કરોડ ડાઉનલોડ

બેન બાદ હવે ટિકટોક ગૂગલ પ્લે સ્ટોર અને એપલના પ્લે સ્ટોર પર બ્લોક કરી દેવાયું છે. ભારતે એપને બેન કર્યા બાદ તેમને દેશની અખંડતા અને સંપ્રભુતા માટે ખતરો ગણાવ્યું છે. દુનિયામાં ટિકટોકના કુલ યૂઝર્સમાના 30 ટકા ભારતમાં છે. ભારતમાં આ એપના લગભગ 60 કરોડ ડાઉનલોડ છે. ગયા વર્ષે બાઈટ ડાન્સ કંપનીએ ભારતમાં મોટા પ્રમાણમાં ફેલાવાની યોજનાના આધારે અનેક સીનિયર પદ પર નિયુક્તિ કરી હતી. કંપની ભારતને પોતાના માટે ટોપ ગ્રોથ દેશના રૂપમાં ગણાવી રહી છે. 

The loss of Chinese internet company ByteDance – mother company of Tik Tok — could be as high as $6 billion after Indian government banned 59 Chinese apps including Tik Tok, following deadly border clash between Indian and Chinese troops last month: source pic.twitter.com/wGvnqVO7mR

— Global Times (@globaltimesnews) July 1, 2020

મોટી સંખ્યામાં જઈ શકે છે નોકરીઓ

બેન કરેલી એક ચીની કંપનીના ભારતના વકીલનું કહેવું છે કે જો આ નિર્ણયને પરત લેવામાં નહીં આવે તો મોટી સંખ્યામાં નોકરીઓ જશે. ચીની વિદેશ મંત્રાલયે આ નિર્ણયને લઈને કહ્યું કે તેઓ ખૂબ ચિંતિત છે. બીજિંગની તરફથી કહેવાયું છે કે ભારતનું આ પગલું વિશ્વ વ્યાપાર સંગઠનના નિયમોનું ઉલ્લંઘન હોઈ શકે છે. 

ભારતમાં ચીની દૂતાવાસના પ્રવક્તાએ કહ્યું કે કેટલાક ચીની એપ્સને નિશાન બનાવવા માટે ભેદભાવની નીતિથી લેવાયેલા આ પગલાનો આધાર અસ્પષ્ટ અને સમજથી બહાર છે. ભારતનું આ પગલું નિષ્પક્ષ અને પારદર્શી પ્રક્રિયાની વિરુદ્ધ છે. આ રાષ્ટ્રીય સુરક્ષાની ભાવનાનો દુરઉપયોગ છે જે WTOના નિયમનું ઉલ્લંધન પણ હોઈ શકે છે. આંતરરાષ્ટ્રીય વ્યાપાર અને ઈ કોમર્સના નિયમોની વિરુદ્ધ છે, ભારતીય ગ્રાહકોના હિત અને બજારની શરતોને અનુરૂપ નથી.