કાર્યવાહી / જમ્મુ-કશ્મીરમાં સેનાની આ કાર્યવાહીથી ધ્રુજી ઉઠશે દુશ્મનો, જૈશના 3 આતંકીઓને ફૂંકી માર્યા

• કાશ્મીરમાં સેના અને આતંકીઓ વચ્ચે ગોળીબાર 
• સેના દ્વારા ત્રણ આતંકીઓને ઠાર કરવામાં આવ્યા 
• ગઈકાલે પણ બે આતંકીઓ માર્યા ગયા હતા 

જમ્મુ કાશ્મીરમાં સેના દ્વારા જૈશના 3 આતંકીઓને ઠાર કરવામાં આવ્યા છે. દ(ક્ષિણ કાશ્મીરના પુલવામાં જિલ્લામાં આવેલ અવંતીપોરામાં નાગબેરિયન ત્રાલ વિસ્તારમાં આતંકીઓ સેના વચ્ચેની મુઠભેડમાં ત્રણ આતંકીઓ ઠાર થયા છે. અગાઉ પરણ અવંતીપોરામાં હિજબુલ મુજાહિદ્દીનના બે આતંકીઓ માર્યા ગયા હતા.

3 આતંકીઓ ઠાર 

સુરક્ષા દળ દ્વારા તે વિસ્તારમાં હજુ પણ સર્ચઓપરેશન યથાવત રાખવામાં આવ્યું છે. સેનાની બાતમી મળી કે કે પુલવામાના અવંતીપોરામાં નાગરબેરિયન ત્રાલમાં અમુક આતંકીઓ છુપાયેલા છે. બાતમીને આધારે બીએસએફના જવાનોએ અને સ્થાનિક પોલીસે સંયુક્ત ઓપરેશન હાથ ધર્યું હતું જેમા 3 આતંકીઓ માર્યા ગયા. 

આતંકીઓએ પહેલા ફાયરિંગ કર્યુ

સેના અને પોલીસ દ્વારા પહેલા આતંકીઓને આત્મસમર્પણ કરવાનું કહેવામાં આવ્યું હતું. પરંતુ આતંકીઓ પહેલા ફાયરિંગ કર્યું જેના વળતા જવાબમાં સેના દ્વારા પણ ફાયરિંગ કરવામાં આવ્યું જેમા ત્રણ આતંકીઓ માર્યા ગયા. 

ગઈકાલે પણ 2 આતંકીઓને ઠાર કર્યા હતા

ગઈકાલે સવારે પણ અવંતીપોરામાં સેના અને આતંકીએઓ વચ્ચે ગોળીબાર થયો હતો. જેમા બે આતંકીઓ માર્યા ગયા હતા. જે બે આતંકીઓ માર્યા ગયા તેઓ હિબુલ મુજાહિદ્દિન સંગઠન સાથે જોડાયેલા હતા. સેના દ્વારા એવી માહિતી આપવામાં આવી કે આતંકીઓ પાસેથી તેમને એકે47 રાયફલ તેમજ પિસ્તોલ મળી હતી