ધમકી / ઓવૈસી બાદ હવે યોગી આદિત્યનાથને જાનથી મારી નાખવાની મળી ધમકી, સામે આવ્યું આ ડોનનું નામ

• આ ટ્વિટર હૈંડલ પરથી યોગીને જાનથી મારી નાખવાની મળી ધમકી
• ધમકી મળ્યા બાદ પોલીસ એક્શનમાં આવી
• FIR નોંધી સાઈબર સેલને તપાસ સોંપી

 

યુપીના સીએમ યોગી આદિત્યનાથને જાનથી મારી નાખવાની ધમકી આપવામાં આવી છે. ટ્વિટર પર લેડી ડોન નામના એક ટ્વિટર હૈંડલ પર યોગીની હત્યા કરવાની ધમકી મળી છે. મામલો સામે આવ્યા બાદ પોલીસમાં હડકંપ મચી ગયો છે અને ત્યાર બાદ હાપુડ જિલ્લા પોલીસે આ અંગેની ફરિયાદ પણ નોંધી લીધી છે.

ઓવૈસી તો મહોરુ છે, અસલી નિશાન યોગી આદિત્યનાથ

આ ધમકી ભર્યા ટ્વિટરમાં લખવામાં આવ્યું છે કે, ઓવૈસી તો એક મહોરુ છે, અસલી નિશાન તો યોગી આદિત્યનાથ છે. ભાજપની તમામ ગાડીઓ પર આરડીએક્સથી હુમલો થશે. યુપી પોલીસને ટૈગ કરીને લખેલી આ પોસ્ટમાં છેલ્લે એવું પણ લખ્યું છે કે, તમારી ટીમ લગાવો, દિલ્હી ન જોશો.

એક પછી એક કેટલાય ટ્વિટ

આ ધમકી ભર્યા અંદાજમાં આગળ એક પછી એક એમ કેટલાય ટ્વિટ કરવામાં આવ્યા છે. જે એ જ ટ્વિટર હૈંડલ પરથી કરવામાં આવ્યા છે. જેમાં અલીગઢ પોલીસને ટૈગ કરતા લખ્યું છે કે, યોગી આદિત્યનાથના જીવને ખતરો છે.

સૂરજ નહીં જોઈ શકે યોગી

ધમકી ભરેલા આ ટ્વિટ્સમાં એવું પણ લખ્યું છે કે, યોગી આદિત્યનાથ સૂરજ જોઈ શકશે નહીં. ઉત્તર પ્રદેશની મેરઠ નિવાસી સીમા સિંહ માનવ બોમ્બ બનીને આવી રહી છે, જે યોગીનો સંહાર કરશે.

આ મામલાની ચાલી રહી છે તપાસ

આ ટ્વિટ વિશે ફરિયાદ કરનારા હાપુડ પોલીસે ટ્વિટર પર જ રિપ્લાઈ આપતા તપાસની વાત કહી છે. પોલીસ એક્શનમાં આવતા ટ્વિટર હૈંડલ હાલમાં દેખાતું નથી. તો વળી હાપુડ પોલીસે આ મામલે ફરિયાદ નોંધી સાઈબર સેલને તપાસ સોંપી દીધી છે.