IND vs AUS / ભારત-ઓસ્ટ્રેલીયાની ODI સીરિઝની બીજી મેચ પર સંકટના વાદળો! શું વરસાદ બનશે મેચનો વિલન? જાણો અપડેટ

• વિશાખાપટ્ટનમમાં આજે પણ વરસાદની સંભાવના છે
• મેચમાં વરસાદ વિલન બની શકે છે
• સાંજે 4 થી 6 દરમિયાન ભારે વરસાદની સંભાવના

ભારતીય ટીમ અને ઓસ્ટ્રેલિયા વચ્ચે 3 મેચની ODI સીરિઝની બીજી મેચ આજે  વિશાખાપટ્ટનમમાં રમાશે. મેચ બપોરે 1.30 વાગ્યાથી શરૂ થશે. ટીમ ઈન્ડિયાએ સીરિઝની શરૂઆત જીત સાથે કરી  હતી જેમાં મુંબઈમાં રમાયેલી પહેલી મેચ 5 વિકેટે જીતીને સીરિઝમાં 1-0થી લીડ મેળવી લીધી હતી પણ હવે વિશાખાપટ્ટનમ મેચ પર વરસાદનો ખતરો તોળાઈ રહ્યો છે. જણાવી દઈએ કે શહેરમાં એક દિવસ પહેલા ભારે વરસાદ પડ્યો હતો. આ સાથે સ્ટેડિયમમાંથી કેટલીક તસવીરો સામે આવી છે, જેમાં ગ્રાઉન્ડ અને પીચને વરસાદથી બચાવવા માટે કવરથી ઢાંકવામાં આવ્યા છે.

Pictures from Vizag stadium. It rained today and it is likely to rain tommorow during the 2nd ODI match. pic.twitter.com/PFrjWGWDRP

— CricketMAN2 (@ImTanujSingh) March 18, 2023

આજે પણ વરસાદની સંભાવના છે
વિશાખાપટ્ટનમમાં મેચના દિવસે એટલે કે આજે ભારે વરસાદની સંભાવના છે. આવી સ્થિતિમાં આજે મેચમાં વરસાદ વિલન બની શકે છે. આ સાથે જ દિવસભર વાદળછાયું વાતાવરણ રહેશે. Accuweather અનુસાર રવિવારે વિશાખાપટ્ટનમમાં વરસાદની 80 ટકા સંભાવના છે. સાંજે 4 થી 6 દરમિયાન ભારે વરસાદની સંભાવના છે. પાંચ વાગ્યાની આસપાસ લગભગ 51 ટકા વરસાદની શક્યતા છે. વરસાદના કારણે મેચની ઓવરો ઘટાડવાની પણ શક્યતા છે.

વિશાખાપટ્ટનમમાં આજ માટે હવામાનની આગાહી
મહત્તમ તાપમાન: 26 °C
લઘુત્તમ તાપમાન: 23 °C
વરસાદની સંભાવના: 80%
વાદળછાયું: 79%
પવનની ગતિ: 32 કિમી/કલાક

ODI સીરિઝ માટે ભારત-ઓસ્ટ્રેલિયાની ટીમ
રીમ ઈન્ડિયા: રોહિત શર્મા (કેપ્ટન), શુભમન ગિલ, વિરાટ કોહલી, સૂર્યકુમાર યાદવ, કેએલ રાહુલ, ઈશાન કિશન, હાર્દિક પંડ્યા, રવિન્દ્ર જાડેજા, કુલદીપ યાદવ, વોશિંગ્ટન સુંદર, યુઝવેન્દ્ર ચહલ, મોહમ્મદ શમી, મોહમ્મદ સિરાજ, ઉમરાન મલિક. , શાર્દુલ ઠાકુર, અક્ષર પટેલ અને જયદેવ ઉનડકટ.

ઓસ્ટ્રેલિયાની ટીમઃ સ્ટીવ સ્મિથ (કેપ્ટન), ડેવિડ વોર્નર, ટ્રેવિસ હેડ, માર્નસ લાબુશેન, મિશેલ માર્શ, માર્કસ સ્ટોઈનિસ, એલેક્સ કેરી, ગ્લેન મેક્સવેલ, કેમેરોન ગ્રીન, જોશ ઈંગ્લિસ, સીન એબોટ, એશ્ટન અગર, મિચેલ સ્ટાર્ક, નાથન એલિસ, એડમ ઝમ્પા .