તમારા કામનું / સેવિંગ એકાઉન્ટ બંધ કરવું છે તો આ 5 વાતોનું રાખો ધ્યાન, મોટા નુકસાનથી બચી જશો

• સેવિંગ એકાઉન્ટ બંધ કરવાનું છે? 
• આ 5 વસ્તુઓનું રાખો ધ્યાન 
• મોટા નુકસાનથી બચી જશો 

એક બેંક અથવા એક કરતા વધુ બેંકમાં અલગ બચત ખાતા રાખવા એ સારી બાબત છે. આના ઘણા ફાયદા છે. બેંક ઓફર્સનો લાભ મળે છે. ઘણા લોકો અલગ-અલગ બેંકોમાં ખાતા ખોલાવીને પોતાના પૈસા રાખે છે. તેનાથી તમામ બેંકોની ઓફરનો લાભ મળે છે. 

આ ઉપરાંત જો એક બેંક બંધ થવાની પરિસ્થિતિ થાય તો બધા પૈસા ડૂબી જવાનો ભય નથી રહેતો. જો કે, એક કરતાં વધુ બેંકોમાં વધુ ખાતા હોવાનો ગેરલાભ પણ છે. જો તમામ હિસાબ યોગ્ય રીતે નિભાવવામાં ન આવે તો ચાર્જ ભરવો પડે છે. આવી સ્થિતિમાં લોકો તેમના ખાતા પણ બંધ કરી દે છે. જો તમે પણ એવા લોકોમાંથી છો કે જેઓ સેવિંગ એકાઉન્ટ બંધ કરવા જઈ રહ્યા છે. તો કેટલીક ખાસ વાતોનું ધ્યાન રાખો.

બેંક સ્ટેટમેન્ટનો રેકોર્ડ રાખો
પહેલા તમે જે એકાઉન્ટ બંધ કરવા માંગો છો તેનું બેલેન્સ ચેક કરો. બેલેન્સ ચેક કકો, સ્ટેટમેન્ટ ડાઉનલોડ કરો અને છેલ્લા 2-3 વર્ષનો સ્ટેટમેન્ટ રેકોર્ડ તમારી પાસે રાખો. ભવિષ્યના સંદર્ભ માટે આ કામમાં આવશે. જો કોઈ ખાતામાં પૈસા ટ્રાન્સફર કરવામાં આવ્યા હોય અને તેની માહિતી પછીથી જોઈતી હોય, તો માત્ર સ્ટેટમેન્ટનો રેકોર્ડ જ ઉપયોગી થશે. આ સ્ટેટમેન્ટ આવકવેરા રિટર્ન ભરવામાં પણ ઉપયોગી થશે.

જો સર્વિસ ચાર્જ બાકી હોય તો ચૂકવો
જો તમારું એકાઉન્ટ બેલેન્સ નેગેટિવમાં છે. તો બેંક એકાઉન્ટને બંધ કરવાની મંજૂરી આપશે નહીં. નેગેટિવ બેલેન્સ એટલા કારણે થાય છે કે તમે ખાતામાં મિનિમમ બેલેન્સ નથી રાખ્યું. ત્યાં કોઈ સર્વિસ ચાર્જ અથવા ફી બાકી રહેશે નહીં. એકાઉન્ટ નેગેટિવ હોવાનો અર્થ છે કે તમારો ક્રેડિટ સ્કોર પણ ખરાબ રહેશે. તેનાથી બચવા માટે, સૌથી પહેલા સર્વિસ ચાર્જ વગેરે ચૂકવો, પછી જ એકાઉન્ટ બંધ કરો.

સ્ટેન્ડિંગ ઈન્સ્ટ્રક્શન અને ઓટોમેટેડ ક્લિયરન્સ 
જો સેવિંગ એકાઉન્ટ પર EMI ચાલી રહી હોય બિલ્સ અને મંથલિ સબ્સક્રિપ્શન હોય તો પહેલા આવા સ્ટેન્ડિંગ ઈન્સ્ટ્રક્શનને કેન્સલ કરો. જો સેવિંગ્સ ખાતાથી ઓટોમેટેડ ક્લિયરન્સ જોડાયેલા હોય તો તે પણ પહેલા કેન્સલ કરો. રદ કર્યા વિના ખાતું બંધ કરવાથી પેમેન્ટ સાયકલ મિસ થઈ શકે છે. આ સાથે તમારો ક્રેડિટ રિપોર્ટ નેગેટિવ જશે.

એકાઉન્ટ ક્લોઝર ચાર્જ 
ઘણી બેંકો ગ્રાહકો પાસેથી એકાઉન્ટ ક્લોઝર ચાર્જ વસૂલે છે. આ ચાર્જ ખાતું ખોલવાની તારીખથી ચોક્કસ સમયગાળા માટે જ વસૂલવામાં આવે છે. સામાન્ય રીતે કોઈ પણ બેંક ખાતું ખોલ્યાની તારીખથી એક વર્ષની અંદર બંધ થઈ જાય તો તેના પર ક્લોઝર ચાર્જ લાગે છે. જો તમે આ ચાર્જથી બચવા માંગતા હો, તો તમારે ખાતું ખોલવાની તારીખથી 1 વર્ષ સુધી બંધ કરવાનું ટાળવું જોઈએ.

એકાઉન્ટ ડિટેલ્સને અપડેટ કરો
તમે જે સેવિંગ એકાઉન્ટ બંધ કરવા જઈ રહ્યા છો, તે EPFO ​​હોઈ શકે છે. ઈન્શ્યોરન્સ પોલિસી, ઈનકમ ટેક્સ વિભાગની સેવિંગ સ્કીમ ચાલી રહી હોય. આવી સ્થિતિમાં, ખાતું બંધ કરતા પહેલા, તમારે આ બધી યોજનાઓમાં અન્ય કોઈપણ એકાઉન્ટને અપડેટ કરવું જરૂરી છે. નહિંતર, ખાતું બંધ થયા પછી, યોજનાનો લાભ મળશે નહીં. 

ઘણા લોકો સેવિંગ્સ એકાઉન્ટ પર સિસ્ટમેટિક ઇન્વેસ્ટમેન્ટ પ્લાન એટલે કે મ્યુચ્યુઅલ ફંડની SIP ચલાવે છે. જ્યારે તમે મ્યુચ્યુઅલ ફંડમાંથી પૈસા ઉપાડો છો, ત્યારે તે પૈસા તે જ ખાતામાં જશે જે તેની સાથે લિંક હશે. આવી સ્થિતિમાં એકાઉન્ટ બંધ કરવાથી તમારા માટે પૈસા મેળવવામાં મુશ્કેલી થશે.