IPL 2023 Auction / ગુજરાતની ટીમમાં આવી ગયો આ સ્ટાર ખેલાડી, દુનિયાની મોટી ટૂર્નામેન્ટમાં કર્યો છે કમાલ

• ન્યુઝીલેન્ડના કેપ્ટન કેન વિલિયમસને આ ટીમે ખરીદ્યો 
• આઈપીએલની છેલ્લી સિઝન બિલકુલ સારી નહતી 

ઈન્ડિયન પ્રીમિયર લીગ (IPL) 2023નું બ્યુગલ આજથી (23 ડિસેમ્બર) સાચા અર્થમાં વાગવા જઈ રહ્યું છે. કોચીમાં આજે આગામી સિઝન માટે મીની હરાજી શરૂ થઈ ગઈ છે અને આ વખતે મિની ઓક્શન માટે 405 ખેલાડીઓને શોર્ટલિસ્ટ કરવામાં આવ્યા છે, જેના પર તમામ ટીમો ઘણો ખર્ચ કરશે. IPLની હરાજી એક એવી જગ્યા છે જ્યાં મોટા-મોટા નામોની માંગ ઘણી વધુ હોય છે પણ એક વખત ઠોકર પડી ગઈ તો એ મોટા નામની કોઈ કિંમત રહેતી નથી. અત્યાર સુધી આવું ઘણા ખેલાડીઓ સાથે બન્યું છે. ભલે એ ખેલાડી વિશ્વ ક્રિકેટના ટોચના ખેલાડીઓમાં શામેલ હોય છે પણ તેઓ  IPL ઓક્શનની રમતમાં ફિટ નથી થઈ શકતા. 

જોરદાર ખરીદી! #IPLAuction | #TATAIPL | #AavaDe pic.twitter.com/RKkkpqK4hc

— Gujarat Titans (@gujarat_titans) December 23, 2022

વિલિયમસનને ગુજરાત ટાઈટન્સે ખરીદ્યો 
જો કે આ સિઝનમાં ન્યુઝીલેન્ડના દિગ્ગજ બેટ્સમેન અને કેપ્ટન કેન વિલિયમસનની સ્થિતિ એવી જ કઇંક જણાતી હતી પણ નસીબે તેનો સાથ આપ્યો. જણાવી દઈએ કે કિવી દિગ્ગજ ખેલાડીને આઈપીએલની ગત સિઝન બાદ સનરાઇઝર્સ હૈદરાબાદમાંથી મુક્ત થયા બાદ હવે આ સિઝનમાં એમને નવી ટીમ મળી છે. જણાવી દઈએ કે વિલિયમસનને ગુજરાતે તેને તેની મૂળ કિંમત બે કરોડમાં ખરીદી લીધો છે. 

Chalo Gujarat! 🛄💙#TATAIPL | #IPLAuction | #AavaDe
[📷 ESPNCrincinfo] pic.twitter.com/dKJoaHcGcc

— Gujarat Titans (@gujarat_titans) December 23, 2022

આઈપીએલની છેલ્લી સિઝન બિલકુલ સારી ન રહી 
જણાવી દઈએ કે 2018ની સિઝનમાં સનરાઇઝર્સ હૈદરાબાદ તરફથી રમતા ટૂર્નામેન્ટમાં સૌથી વધુ રન બનાવનાર કેન વિલિયમસન માટે આઈપીએલની છેલ્લી સિઝન બિલકુલ સારી ન હતી. એ સિઝનમાં ડેવિડ વોર્નરને નીકાળ્યા પછી SRHએ તેને કેપ્ટનશિપ સોંપી હતી. જો કે વિલિયમસન માટે વ્યક્તિગત રીતે અને ટીમ માટે પણ એ સીઝન ખરાબ રહી હતી અને પછી નવેમ્બરમાં SRH એ વિલિયમસન સાથેની તેમની લાંબી સફર પૂરી કરી હતી.