દિલ્હી કેપિટલ્સ ટીમે IPL 2023 માટે તેના નવા કેપ્ટનની જાહેરાત કરી છે. નોંધનીય છે કે, રિષભ પંત 30 ડિસેમ્બર 2022ના રોજ કાર અકસ્માતમાં ગંભીર રીતે ઘાયલ થયો હતો, ત્યારબાદ તે હવે તેની ઈજામાંથી બહાર આવવાની પ્રક્રિયામાં છે. રિષભ પંત લગભગ 2 મહિનાથી ક્રિકેટના મેદાનથી દૂર છે. આવી સ્થિતિમાં એક મોટો નિર્ણય લેતા દિલ્હી કેપિટલ્સે એક ખતરનાક બેટ્સમેનને પોતાનો નવો કેપ્ટન બનાવ્યો છે.
દિલ્હી કેપિટલ્સે રિષભ પંતની જગ્યાએ ખતરનાક બેટ્સમેન ડેવિડ વોર્નરને પોતાનો નવો કેપ્ટન બનાવ્યો છે. ડેવિડ વોર્નર ઉપરાંત ઓલરાઉન્ડર અક્ષર પટેલને દિલ્હી કેપિટલ્સ ટીમનો વાઇસ કેપ્ટન બનાવવામાં આવ્યો છે. ક્રિકબઝના જણાવ્યા અનુસાર ડેવિડ વોર્નરને દિલ્હી કેપિટલ્સનો નવો કેપ્ટન બનાવવામાં આવ્યો છે. દિલ્હી કેપિટલ્સના મેનેજમેન્ટ સાથે જોડાયેલા એક સભ્યએ જણાવ્યું કે, ડેવિડ વોર્નર અમારો કેપ્ટન હશે અને અક્ષર પટેલ વાઈસ કેપ્ટનની ભૂમિકામાં જોવા મળશે.
🚨 Aiden Markram to captain #SRH while David Warner will lead #DC in Rishabh Pant's absence @vijaymirror reports ⤵️ #IPL2023
નોંધનીય છે કે, દિલ્હી કેપિટલ્સ ટીમ એક વખત પણ IPL ટાઈટલ જીતવામાં સફળ રહી નથી. આવી સ્થિતિમાં ડેવિડ વોર્નર પણ પોતાની આક્રમક કેપ્ટનશિપથી દિલ્હી કેપિટલ્સ ટીમને પહેલીવાર IPLની ચેમ્પિયન બનાવી શકે છે. ડેવિડ વોર્નરે પોતાની કપ્તાનીમાં સનરાઈઝર્સ હૈદરાબાદને આઈપીએલ 2016ની ચેમ્પિયન બનાવી છે અને આઈપીએલમાં તેની પાસે કેપ્ટનશિપનો ઘણો અનુભવ છે. આ કારણથી ડેવિડ વોર્નરને સનરાઈઝર્સ હૈદરાબાદની કપ્તાની સોંપવામાં આવી છે.