- થાયરોડ થાય તો ખાસ સાચવજો
- શરીરનું આ અંગ પણ બગાડી દે છે
- તાત્કાલિક ડૉક્ટરનો સંપર્ક કરવો જોઇએ
આ ગ્રંથિ ત્રણ હોર્મોન્સ ઉત્સર્જિત કરે છે. જે શરીરના વિકાસમાં અને ચયાપચયને નિયંત્રિત કરવામાં મદદ કરે છે. હોર્મોન ઉત્સર્જનમાં અસંતુલનની સમસ્યા હોય તો તેના કારણે થાક, અકાળે વાળ ખરવા, ઠંડી લાગવી જેવી સમસ્યા જોવા મળે છે. આ બધાં થાઇરોઇડના લક્ષણો છે. પરંતુ કેટલાક કિસ્સાઓમાં થાઇરોઇડ આંખની સમસ્યાઓ પણ ઊભી કરે છે.
આંખને ભેજની જરૂર હોય છે. થાઇરોઇડનું અસંતુલન ધરાવતા લોકોમાં થાઇરોઇડ આંખની આસપાસના સ્નાયુઓને પણ નુકસાન પહોંચાડી શકે છે. થાઇરોઇડ બેલેન્સ ન હોય તેવા લોકોને કેટલીક વખત આંસુ બનાવવામાં પણ મુશ્કેલી પડે છે. પરિણામે ઘણી વખત આંખો શુષ્ક થઈ જાય છે. પરંતુ લોકોને આ બાબતનો ખ્યાલ રહેતો નથી. જેથી તેઓ આ સમસ્યાને અવગણે છે.
થાઇરોઇડ ઘણીવાર લોકોમાં બે મુખ્ય રોગોનું કારણ બને છે. જેમાં ગ્રેવ્સ'ડિસીઝ અને હેશિમોટોનું થાઇરોઇડિટિસ સામેલ છે. ગ્રેવ્સ'ડિસીઝના કારણે થાઇરોઇડ વધુ હોર્મોન્સ ઉત્પન્ન કરે છે.
જ્યારે કેશિમોટોના થાઇરોઇડિટિસ કારણે ઓછું હોર્મોન પેદા કરે છે. આ બંને સ્થિતિમાં રોગપ્રતિકારક શક્તિ થાપ ખાઈ જાય છે અને ચેપ સામે લડવાને બદલે તમારી થાઇરોઇડ ગ્રંથિ પર હુમલો કરે છે. જેના કારણે આંખો શુષ્ક થઈ જાય છે. ગ્રેવ્સ'ડિસીઝથી પીડાતા લોકોમાં આ સમસ્યા વધુ જોવા મળે છે.
થાઇરોઇડને કારણે આંખનો ભેજ ઓછો થઈ જાય છે. આવું થવાથી તમારી આંખને સંપૂર્ણપણે બંધ થતી નથી. ગ્રેવ્સ'ડિસીઝ તમારી આંખોની આસપાસના સ્નાયુઓને અસર કરે છે. તે તમારી ઉપરની પાંપણને ઉપરની તરફ ખેંચી શકે છે જ્યારે તમારી નીચી પાંપણ નીચેની તરફ ખેંચે છે.
આંખોમાં ખૂંચવું, આંખોની લાલાશ, ખંજવાળ, બળતરા અને પીડાનો અનુભવ થાય છે. આંખને ઘસવાથી આંખની આસપાસની ત્વચા અને આંતરિક ભાગને વધુ અસર થઈ શકે છે.
સમસ્યાથી આવી રીતે બચી શકાય
- થાઇરોઇડ પર નિયંત્રણ રાખવા સાથે આંખની સારવાર કરવી.
- ડાયટ અને શારીરિક એક્ટિવિટી પર ધ્યાન આપવું.
- તબીબની સલાહ બાદ આઈડ્રોપનો પ્રયોગ કરો.
- ધૂમ્રપાન ન કરો.
- એસી અને હિટરની એકદમ નજીક ન બેસો.
- રાત્રે સૂતી વખતે આઈમાસ્કનો ઉપયોગ કરો.
- રાત્રે તમારા બેડરૂમમાં હ્યુમિડિફાયરનો ઉપયોગ કરો.
- પોષણયુક્ત આહાર લો.
- આંખના આકારમાં કોઈ ફેરફાર થાય તો તરત તબીબનો સંપર્ક કરો.
