આશ્ચર્યજનક / ચીનમાં બાળકોના યૂરીનમાંથી બને છે આ વાનગી, આખા દેશમાં છે પ્રખ્યાત

• ચીનમાં બને છે યૂરીનમાંથી વાનગી
• કુંવારા છોકરાઓનું યૂરીન કરાય છે ભેગું 
• લોકો મજાથી ખાય છે યૂરીનથી બનેલ વાનગી

ચીનમાં બનાવાતી અને ખવાતી વાનગી છે 'વર્જિન એગ' અને આ વાનગી બનાવવા માટે કુંવારા છોકરાઓના યૂરિન (મૂત્ર)નો ઉપયોગ થાય છે. વર્જિન એગ નામક આ વાનગી ચીનના જેજિયાંગ પ્રાંતમાં (Zhejiang Province) ખુબ પ્રખ્યાત છે.   આ વાનગી   ત્યાં રહેતા લોકો વસંતના ઋતુમાં આનંદથી ખાય છે.

ઈંડાને વર્જિન નામ 

આ વાનગીને બનાવવામાં કુંવારા છોકરાઓના યૂરિનનો ઉપયોગ થાય છે. સાંભળવામાં વિચિત્ર લાગે પણ આ જ સત્ય છે.   ભોજનમાં ઉપયોગમાં લેવાતા ઇંડાઓને યૂરિનમાં ડુબાડી રાખવામાં આવે છે અને એટલે જ ઇંડાને અહીં 'વર્જિન' નામ આપવામાં આવ્યું છે .

કેવી રીતે બને છે આ વાનગી?

ન્યૂયોર્ક ટાઇમ્સના  રીપોર્ટ અનુસાર વર્જિન ઇંડાને તૈયાર કરવા માટે સૌપ્રથમ તેને બાળકોના યૂરીનમાં ઉકાળવામાં આવે છે. ત્યારબાદ ઇંડાઓની છાલ ઊતારી અને ફરીથી ઉકળતા યૂરીનમાં નાખવામાં આવે છે જેથી ઇંડામાં યૂરીન ફ્લેવર આવી શકે.

સ્કૂલોમાં મુકવામાં આવે છે ડોલ 

આ વાનગીને તૈયાર કરવામાં ઘણો સમય લાગે છે કારણકે તેને બનાવવા મોટી માત્રામાં મૂત્ર એટલે કે યૂરિનની જરૂર રહે છે. યૂરીન ભેગું કરવાં શાળાઓમાં ડોલ રાખવામાં આવે છે. જેમાં બાળકો મુત્ર કરે છે. અને આ બાલ્ટીને મોટા-મોટા વાસણોમાં ઠાલવી અને ઇંડા પકવવામાં આવે છે.

સ્વાસ્થ્ય માટે ફાયદાકારક

આ ઇંડાઓ જ્યારે યોગ્ય રીતે યૂરીનમાં પાકી જાય છે ત્યારે તેને તોડવામાં આવે છે અને ખાવામાં આવે છે. ત્યાંનાં લોકો આ વાનગીનું ખુબ મજાથી સેવન કરે છે. તેમના અનુસાર આ વાનગી સ્વાસ્થ્ય માટે ફાયદાકારક હોય છે.   આ ડીશનું સ્થાનીય નામ 'તૌંજગી ડૈન' છે જ્યારે કેટલાક લોકો તેને 'બૉય એગ'ના નામથી ઓળખે છે.