પ્રેરણા / માજીનો માસ્ટર સ્ટ્રોક: 400 મીટર દોડમાં ગોલ્ડ અને 800 મીટર દોડમાં સિલ્વર મેડલ મેળવી જામનગરના 85 વર્ષના વૃદ્ધા યુવાઓ માટે બન્યા માર્ગદર્શક

• જામનગરના આ 85 વર્ષીય માજી યુવાઓ માટે બન્યા પ્રેરણારૂપ
• હરિયાણામાં કુરૂક્ષેત્ર ખાતે 400 મીટર દોડમાં ગોલ્ડ મેડલ મેળવ્યો 
• 800 મીટરમાં સિલ્વર મેડલ મેળવી યુવાઓ માટે માર્ગદર્શક બન્યા

ઝઝબો જીવંત હોય તો સિદ્ધિને ઉંમરની અગવડતા નડતી નથી આવી સાંભળેલી વાતને જામનગરના માજીએ સાર્થક કરી બતાવી છે. વાત છે જામનગરના 85 વર્ષના માજી જેઓએ હરિયાણા ખાતે 400 મીટર દોડ સ્પર્ધામાં ગોલ્ડ મેડલ અને 800 મીટરમાં સિલ્વર મેડલ મેળવી યુવાઓ માટે માર્ગદર્શક બન્યા છે.

85 વર્ષીય મક્કમ માજી
જામનગર માસ્ટર્સ એથ્લેટિકસમાંથી 23 ખેલાડીઓ હરિયાણા ખાતે જ નેશનલ એથ્લેટિકરામાં રમવા માટે ગયા હતાં. જેમાં સામાન્ય રીતે આપણી નજર ઉંમર જેમ વધે છે તેમ આપણી કાર્ય કરવાની ક્ષમતા ઘટતી જોવા મળે છે. ત્યારે જામનગરના આ 85 વર્ષીય માજી વિશે આટલું તો કહી શકાય કે 'હમે હમારી ઉમ્રના પૂછના એ દોસ્તો હમતો હોસલા હૈ જીંદગી ભર જવા રહેંગે'.

વિનર ટૂર્નામેન્ટમાં પણ તેઓએ સીલ્વર મેડલ મેળવ્યો હતો
82 વર્ષીય બા છેલ્લાં એક વર્ષથી આ રમત સાથે જોડાયેલા છે. અત્યાર સુધીમાં નડિયાદ, સુરત અને હરિયાણા સહિત ત્રણ જગ્યાએ રમવા ગયેલા છે. તેમણે હરિયાણામાં કુરૂક્ષેત્ર ખાતે 400 મીટર દોડમાં ગોલ્ડ મેડલ મેળવ્યો હતો જ્યારે 800 મીટર દોડમાં સિલ્વર મેડલ મેળવ્યો હતો. રોજીંદા જીવનમાં સામાન્ય રીતે બા સવારે પોતાના ઘરે મંગલબાગથી ચાલીને બાલા હનુમાન મંદિરે દર્શને જાય છે. જીવનમાં અત્યાર સુધીમાં કરેલા હાર્ડવર્કના પરિણામે તેઓ આ સ્પર્ધામાં વિનર ટૂર્નામેન્ટમાં પણ તેઓએ સીલ્વર મેડલ મેળવ્યો હતો.

માજીનો મક્કમ નિર્ધાર
બાના દિકરા અરવિંદભાઈ વસોષાએ સ્કૂલના સમયથી એથ્લેકિટસ સાથે જોડાયેલા છે. તેમને તેમના બાની આ સ્ટ્રગલ જોઇને હાર્ડવર્ક જોઇને તેમણે વિશ્વાસ આવ્યો કે, તેમના બા પણ આ દોડની સ્પર્ધામાં ભાગ લઇ શકે તેમ છે તેથી તેમણે તેમના 85 વર્ષીય બાને રમવા લઇ જવાનું સાહસ કર્યું અને બાએ પણ સામે એટલો જ ઉત્સાહે બતાવ્યો અને ભાગ લીધો હતો.

 ઈન્ટરનેશનલમાં રમવા જવાની ઈચ્છા
ઘરમાં સાડી પહેરતા બા એ રમતના મેદાનમાં ટ્રેક્રટ પહેરીને આ સ્પર્ધામાં દોડ લગાવી હતી. ત્યારે તેમને દોડતા જોઈને હાજર તમામ લોકો આશ્ચર્યચકિત થઈ ગયા હતાં. અને તેમણે પણ જીવનમાં આગળવધવાની પ્રેરણા બાને જોઇને મળેવી હતી. હજુ આગળ પણ તેમણે ઈન્ટરનેશનલમાં રમવા જવાની ઈચ્છા છે. આમ બા એ આજની યુવા પેઢી માટે એક ઉદાહરણ પૂરું પાડયું છે કે, જીવનમાં કયારેય કોઇ પણ કારણ એ આગળ વધવાના ઉત્સાહને રોકી શકે નહીં.