કોરોના સંકટ / વધી ચિંતા! ડિસેમ્બરમાં ભારતના આ રાજ્યમાં આવી શકે છે કોરોનાની ત્રીજી લહેર, મચ્યો હડંકપ

• મહારાષ્ટ્રમાં ડિસેમ્બરમાં આવી શકે છે ત્રીજી લહેર 
• સ્વાસ્થ્ય મંત્રીએ ત્રીજી લહેરને લઈને આપી માહિતી 
• ત્રીજી લહેરની અસર બીજી લહેર જેટલી ઘાતક નહી હોય 

મહારાષ્ટ્રમાં આગામી ડિસેમ્બરમાં કોરોનાની ત્રીજી લહેર આવી શકે છે. જે મામલે રાજ્યના સ્વસ્થ્ય મંત્રીએ રાજેશ ટોપેએ પોતેજ માહિતી આપી છે. સ્વાસ્થ્ય મંત્રી દ્વારા કહેવામાં આવ્યું કે કોરોનાની ત્રીજી લહેર ડિસેમ્બરમાં આવશે પરંતુ તેની અસર ઘણી ઓછી રહેશે. જોકે આ મામલે તેમણે  વેક્સિનેશનના ભારનો પણ ઉલ્લેખ કર્યો છે. 

ત્રીજી લહેરથી લોકો વધારે હેરાન નહી થાય: સ્વાસ્થ્ય મંત્રી 

તેમણે કહ્યું કે રાજ્યમાં હવે વેક્સિનેશન ઝડપથી થઈ રહ્યું છે. જેના કારણે કોરોનાની ત્રીજી લહેરથી લોકો વધારે હેરાન નહી થાય. પરંતુ સાવધાની રાખવી તેટલીજ જરૂરી છે. બીજી તરફ વિશેષજ્ઞોનું કહેવું છે કે કોરોનાની લહેર સમય સમય પર તેની ફ્રિકવન્સી બદલતી રહે છે. 

મહારાષ્ટ્રમાં 80 ટકા લોકોનું વેક્સિનેટેડ 

પહેલી લહેર દેશમાં સપ્ટેમ્બર 2020માં આવી હતી. જ્યારે બીજી લહેર 2021માં આવી હતી. અને હવે ત્રીજી લહેર મહારાષ્ટ્રમાં ડિસેમ્બરમાં આવશે તેવું ત્યાના સ્વાસ્થ્ય મંત્રીએ જણાવ્યું છે. સ્વાસ્થ્ય મંત્રીના જણાવ્યા પ્રમાણે હાલ મહારાષ્ટ્રમાં 80 ટકા લોકોનું વેક્સિનેશન કરવામાં આવ્યું છે. સક્રમણને કાબૂમાં લેવા ખાસ કરીને વેક્સિનેશને મહત્વનો ભાગ ભજવ્યો છે.

 પહેલાની સરખાણીએ રાજ્યમાં સંક્રમણ ઓછું 

મહારાષ્ટ્રમાં પહેલાની સરખામણીએ સંક્રમણ ઘણું ઓછું છે. સાથેજ હવે અહીયા મૃત્યુ દર પણ શૂન્ય નજીક છે. જોકે તેમ છતા ડિસેમ્બરમાં ત્રીજી લહેર આવશે તેવી આશા વ્યક્ત કરવામાં આવે છે. પરંતુ વેક્સિનેશનને કારણે સંક્રમણનું પ્રમાણ ઘણું ઓછું રહેશે. 

હાલ રાજ્યમાં 9678 એક્ટિવ કેસ 

ઉલ્લેખનીય છે કે મહારાષ્ટ્રમાં મૃત્યુ દર 2.12 ટકા છે જે દેશમાં સૌથી વધારે છે. સાથેજ અહીયા હાલમાં 9678 જેટલા એક્ટિવ કેસ છે. સ્વાસ્થ્યમંત્રીના કહેવા પ્રમાણે રાજ્યમાં વેક્સિનનો કોઈ અભાવ નથી સાથેજ તેમણે એવું પણ કહ્યું હાલ સરકાર પાસે 1.77 કરોડ વેક્સિનના ડોઝ ઉપલબ્ધ છે. જેમા કોવિશિલ્ડના 1.13 કરોડ ડોઝ છે જ્યારે 64 લાખ ડોઝ કોવેક્સિનના છે.