હેલ્થ / આ આદતો ખરાબ કરી દેશે તમારી કિડની, તાત્કાલિક છોડી દેજો નહીંતર હોસ્પિટલ આમંત્રણ આપી દેશે

• આ લક્ષણોને ક્યારેય અવગણો નહી
• વધારે માત્રામાં મીઠુ ટાળો
• ખાંડનું સેવન પણ કરી દો ઓછુ

તમારી ખરાબ લાઈફસ્ટાઈલથી લઈને ડાયેટ (Diet) આ દરેક વાતોની અસર કિડની પર પડે છે. તેનાથી ક્રોનિક કિડની ડિઝીઝ (Chronic Kidney Disease)થી લઈને કિડનીના સંપૂર્ણ રીતે ડેમેજ થવાનો ખતરો રહે છે. માટે જાણી લો કે કઈ એવી આદત છે જેને તમારે તરત બદલી નાખવી જોઈએ. 

વધારે માત્રામાં મીઠા, સુગર અને પ્રોસેસ્ડ ફૂડ 
મીઠાનું વધારે પ્રમાણમાં સેવન કિડની રોગોના ખતરાને વધારે છે. જેના કારણે દિવસભરમાં મીઠું અમુક માત્રામાં જ લો. એક ચમચીથી વધારે મીઠુ ન ખાવું જોઈએ. 
વધારે પ્રમાણમાં ખાંડ ખાવ છો તો તેનાથી જાડાપણુ, હાઈ બ્લડ પ્રેશર અને ડાયાબિટીઝની સમસ્યા થઈ શકે છે. તેનાથી કિડની સાથે જોડાયેલી બીમારીઓનો ખતરો રહે છે. વધારે પડતી ખાંડનું સેવન ન કરો અને ગળી વસ્તુઓનું સેવન ઓછું કરો. 

પ્રોસેસ્ડ ફૂડમાં સોડિયમની માત્રા વધારે હોય છે. જે તમારી કિડનીને નુકસાન પહોંચાડે છે. ત્યાં જ તમને પહેલાથી જ કિડની સાથે જોડાયેલી કોઈ બિમારી છે તો પ્રોસેસ્ડ ફૂડ વધારે ન ખાઓ. 

એક્ટિવ ન રહેવું 
જો તમે એક્ટિવ નથી અને વધારે સમય સુધી એક જ જગ્યા પર બેસી રહો છો તો તે પણ તામારી કિડનીને નુકસાન પહોંચાડે છે. ડેલી એક્ટિવિટીથી બ્લડ પ્રેશરને કંટ્રોલ કરવામાં મદદ મળે છે અને મેટાબોલિઝમ માટે તે પણ સારૂ છે. તેનાથી કિડની હેલ્દી રહે છે. 

જરૂરી ઉંઘ લેવી 
કિડનીને સ્વસ્થ્ય રાખવા માટે સારી ઉંઘ લેવી પણ જરૂરી છે. કિડની ફંક્શનના સ્લીપ વોક સાઈકલથી રેગુલેટ કરવામાં આવે છે. તેના માટે ડાયેટની સાથે ઉંઘનું પણ ધ્યાન રાખો. 

ઓછું પાણી પીવું 
કિડની બ્લડને સાફ કરીને શરીરના ટોક્સિન્સને બહાર કાઢવામાં મદદ કરે છે. કિડની રોગોથી બચવા માટે જરૂરી છે કે તમે જરૂરી માત્રામાં પાણી પીઓ. ઓછી માત્રામાં પાણી પીવાથી ઘણા પ્રકારના કિડની રોગોનો ખતર રહે છે.  એક્સપર્ટ્સના જણાવ્યા અનુસાર, જો તમને પહેલાથી કિડની સાથે જોડાયેલી ઘણી સમસ્યા નથી. તો રોજ ત્રણથી ચાર લિટર પાણી પીઓ.  

વધુ માત્રામાં મીટનું સેવન 
એનિમલ પ્રોટીન બ્લડમાં ઉચ્ચ માત્રામાં એસિડ ઉત્પન્ન થાય છે. તેનાથી કિડનીને નુકસાન પહોંચે છે. તેનાથી એસિડોસિસની સમસ્યા થાય છે. જેનાથી કિડની એસિડને ઝડપથી ખતમ નથી કરી શકતી. 

સ્મોકિંગ અને આલ્કોહોલ 
સ્મોકિંગથી નહીં ફક્ત ફેફસાને નુકસાન પહોંચે છે. પરંતુ તે તમારા લિવર અને કિડની માટે પણ ખૂબ જ નુકસાનકારક છે. ડોક્ટરોના જણાવ્યા અનુસાર સ્મોકિંગ કરનાર લોકોના યુરિનમાં પ્રોટીન હોવાની સંભાવના વધારે હોય છે. જે કિડની ખરાબ થવાનું એક લક્ષણ હોય છે. 

એક્સપર્ટ્સ અનુસાર, દારૂનુ સેવન મહિના અથવા 15 દિવસમાં એક વખત ઓછી માત્રામાં કરવામાં આવે તો તેને વધારે નુકસાન નથી પહોંચતુ. પરંતુ જો તમે નિયમિત રૂપથી આલ્કોહોલનું સેવન કરો છો. તો તેનાથી ક્રોનિક કિડની ડિઝીઝનો ખતરો રહે છે. 

દુઃખાવાની દવાઓ ખાવી 
જો તમે દુઃખાવાની દવાઓ વધારે ખાઓ છો તો તેનાથી કિડનીને નુકસાન પહોંચે છે. ત્યાં જ જો તમે પહેલાથી કિડની સાથે જોડાયેલી ઘણી બિમારીઓથી પીડિત છો ત્યારે તો આ વાતનું ખાસ અને વધારે ધ્યાન રાખવું જોઈએ.