હાય મોંઘવારી! / આજથી બદલાઇ જશે આ 5 નિયમો, દિવાળી પહેલાં જ તમારું બજેટ ખોરવાઇ જશે

• 1 નવેમ્બરથી બદલાઇ જશે આ નિયમો
• સતત વધતી મોંઘવારી વચ્ચે બદલાવ
• ટ્રેનથી લઇને LPG સુધી બદલાશે નિયમો

સતત વધી રહેલી મોંઘવારી અને પેટ્રોલ અને ડીઝલની વધતી કિંમતો બાદ 1 નવેમ્બરથી લોકોને બીજો ઝાટકો લાગશે. સોમવારથી બેંકોના ગ્રાહકોએ જમા અને ઉપાડ પર ફી ચૂકવવી પડશે. ટ્રેનના સમયપત્રકમાં પણત ફેરફાર નોંધાયો છે. 

BOBના ગ્રાહકો માટે ઝાટકો
1 નવેમ્બરથી બેંકોના ગ્રાહકોએ પૈસા જમા કરવા અને ઉપાડવા માટે ફી ચૂકવવી પડશે. બેંક ઓફ બરોડાના ગ્રાહકોએ હવે એક મર્યાદાથી વધુ રકમ ઉપાડવા અને જમા કરાવવા પર ચાર્જ ચૂકવવો પડશે. ગ્રાહકોએ લોન ખાતા માટે 150 રૂપિયા ચૂકવવા પડશે. એક મહિનામાં ત્રણથી વધુ વખત ડિપોઝિટ ખાતામાં પૈસા જમા કરાવવા માટે 40 રૂપિયા ચૂકવવા પડશે. જો કે, જનધન ખાતા ધારકોએ આ માટે કોઈ ફી ચૂકવવાની રહેશે નહીં પરંતુ વિડ્રો કરવાં પર 100 રૂપિયા ચૂકવવા પડશે.

ટ્રેનનું ટાઇમ ટેબલ
1લી નવેમ્બરથી ટ્રેનોના ટાઈમ ટેબલમાં પણ ફેરફાર કરવામાં આવ્યો છે. લગભગ 30 રાજધાની ટ્રેનોના સમયમાં ફેરફાર કરવામાં આવશે. 13,000 પેસેન્જર ટ્રેન અને 7,000 ગુડ્સ ટ્રેનોના ટાઈમ ટેબલ પણ બદલવામાં આવી રહ્યા છે.

ગેસ સિલિન્ડર
હવે ગેસ સિલિન્ડર બુક કરવા માટે વન ટાઈમ પાસવર્ડની જરૂર પડશે. તેના વિના બુકિંગ થશે નહીં. સિલિન્ડર ઘરે પહોંચાડનાર ડિલિવરી બોયને OTP કહ્યાં પછી જ તમને સિલિન્ડર મળશે.

ભાવવધારો
તેલ કંપનીઓ દર મહિનાની પહેલી તારીખે એલપીજી સિલિન્ડરના ભાવમાં વધારો કરે છે. આ મહિને પણ ભાવ વધી શકે છે.

રાજધાનીમાં ખુલશે સ્કૂલ
દેશની રાજધાની દિલ્હીમાં સોમવારથી તમામ વર્ગો માટે શાળાઓ ફરીથી ખોલવામાં આવશે. ડેપ્યુટી CM મનીષ સિસોદિયાએ શાળાઓને કહ્યું છે કે, જે વિદ્યાર્થીઓ ઓફલાઇન ક્લાસમાં ભાગ લેતા નથી તેમના માટે ઑનલાઇન વર્ગો ચાલુ રાખવા.