તૈયારી / ગુજરાત વિધાનસભાની ચૂંટણી વહેલી આવવાનો મોટો સંકેત આવ્યો સામે, દિલ્હીથી આવ્યો આ આદેશ

• ગુજરાતમાં વિધાનસભાની ચૂંટણી વહેલી આવવાનો સંકેત
• રાજકોટનું એરપોર્ટનું કામ વહેલું પૂર્ણ કરવા અપાઈ સૂચના
• વડા પ્રધાન નરેન્દ્ર મોદીના ગુજરાત પ્રવાસ બાદ લેવાયો નિર્ણય

ડિસેમ્બરની અંત સુધીમાં ગુજરાતમાં વિધાનસભાની ચૂંટણી યોજાનારી છે. જો કે, હાલ ગુજરાતમાં વિધાનસભાની ચૂંટણીઓ વહેલી યોજાશે તેવા મોટા સંકેતો સામે આવી રહ્યાં છે. કેન્દ્ર સરકાર દ્વારા એરપોર્ટ ઓથોરિટીને રાજકોટનું ઈન્ટરનેશનલ એરપોર્ટનનું કામ વહેલૂ પૂર્ણ કરવા અંગે જરૂરી સૂચનાઓ આપવામાં આવી છે.. 

એરપોર્ટ ઓથોરિટીની તાત્કાલિક બેઠક બોલાવવા અપાઇ  સૂચના 

મહત્વનું છે કે, ગુજરાતમાં આગામી થોડા મહિનાઓમાં વિધાનસભાની ચૂંટણી યોજાનારા છે.જેની વચ્ચે આજે કેન્દ્ર સરકાર દ્વારા તાત્કાલિક એરપોર્ટ ઓથોરિટીની બેઠક બોલાવવા હતી. જેમાં કેન્દ્ર સરકાર દ્વારા એરપોર્ટ ઓથોરિટીને સૂચના આપવામાં આવી હતી કે, એરપોર્ટનું કામ ઓગસ્ટના બદલે જૂનમાં પૂર્ણ કરવા આવે. 

PM  મોદીના ગુજરાત પ્રવાસ બાદ દિલ્લીથી નિર્ણય લેવાયો

મહત્વનું છે કે, ગત ગત શુક્રવારે અને શનિવારે વડા પ્રધાન નરેન્દ્ર મોદી, કેન્દ્રીય ગૃહમંત્રી અમિતશાહ સહિતના ભાજપના મોટા અગ્રણીઓ ગુજરાતની મુલાકાતે આવ્યા હતાં.જ્યાં તેઓએ વિકાસ લક્ષી વિવિધ કામોનું લોકાપર્ણ કર્યું હતું. જેની વચ્ચે કેન્દ્ર સરકારે એરપોર્ટ ઓથોરિટીની તાત્કાલિક બેઠક બોલવી રાજકોટના હિરાસર ઈન્ટરનેશનલ એરપોર્ટનું કામ ઓગસ્ટના બદલે જૂનમાં પૂર્ણ કરવાની સૂચના આપવામાં આવી છે. ઉલ્લેખનીય છે કે, વડાપ્રધાનના કાર્યાલયના ડેપ્યુટી સેક્રેટરીએ એરપોર્ટની મુલાકત લીધી હતી.