ચૂંટણી / રાજ્યમાં અનેક જગ્યાઓ પર EVMમાં ખામી હોવાની ફરિયાદ ઉઠી

રાજ્યના અનેક જિલ્લાઓમાં મતદાન કેન્દ્રો પર EVM મશીનમાં ખાટી સામે આવી છે. અમદાવાદ, વલસાડ, મહેસાણા અને રાજકોટ EVMમાં ખામી સામે આવી. અમદાવાદના મહંમદપુરામાં EVM મશીન ખોટકાયુ છે. મહંમદપુરામાં સવારે મતદાન મોડુ શરૂ થયુ હતુ અને અસારવા વિસ્તારમાં પ્રિસાઈડીંગ અધિકારીની ભૂલના કારણે મતદાનમાં વિલંબ થયો.

પ્રિસાઈડીંગ અધિકારીને EVM ઓપરેટ કરતા ન આવડતા અસારવા બુથ નંબર 115માં મતદાન શરૂ થવમા વિલંબ થયો હતો..  રાજકોટના એસ્ટ્રોન વિસ્તારમાં 4 EVM મશીનમાં ખામી સર્જાઈ છે. શહેરના લોધિકા તાલુકાના રાતૈયા ગામમાં EVMમાં ખામી સર્જાઈ હતી. મહેસાણામાં પણ EVM મશીનમાં ખરાબી સામે આવી. અને સોમનાથ રોડ પરથી સિદ્ધાર્થ સ્કૂલમાં પણ EVM ખોરવાયુ હતુ.

જયારે સૌરાષ્ટ્રના ભાવનગરમાં પણ EVM ખોટકાયું હોવાના અહેવાલ પ્રાપ્ત થયાં છે. ભાવનગર શહેરના ભરતનગરમાં આવેલ મંગલમ હોલ ખાતે EVM ખોટકાયું છે.  મંગલમ હોલના બુથ નંબર 241માં EVM ખોટકાયું છે.