ચકચાર / દિલ્હીમાં મહિલા ક્યારે સુરક્ષિત થશે? ટ્રાફિકની વચ્ચે જ યુવતીને ઢસડીને મારી અને ગાડીમાં નાંખી, વીડિયો થયો વાયરલ

• દેશની રાજધાની દિલ્હીમાં ફરી એકવાર ચોંકાવનારો વિડીયો વાયરલ 
• યુવકે મહિલાને જાહેરમાં માર માર્યો અને પછી બળજબરીથી કારમાં બેસાડી 
• દિલ્હી પોલીસે વીડિયોમાં દેખાતા વાહન અને ડ્રાઈવરની ઓળખ કરી

દેશની રાજધાની દિલ્હીમાં ફરી એકવાર ચોંકાવનારો વિડીયો વાયરલ થઈ રહ્યો છે. આ વીડિયોમાં જોવા મળી રહ્યું છે કે, એક વ્યક્તિએ પહેલા એક મહિલાને જાહેરમાં માર માર્યો અને પછી તેને બળજબરીથી કારમાં લઈ ગયો. આ ઘટના દિલ્હીના મંગોલપુરી ફ્લાયઓવરની છે, જ્યાં એક વ્યક્તિએ ફ્લાયઓવર પર એક મહિલાને માર માર્યો અને પછી તેને કારમાં બેસવા માટે દબાણ કર્યું. જણાવવામાં આવી રહ્યું છે કે, કાર ગુરુગ્રામના રતન વિહારની છે. પોલીસે કાર અને તેના ચાલકની શોધખોળ હાથ ધરી છે.

#UPDATE | The vehicle & driver have been traced. Two boys & a girl had booked a vehicle from Rohini to Vikaspuri through Uber. On the way, there was an argument & scuffle b/w them. After the argument, the girl wanted to leave. It is seen in the video that the boy forcibly pushes… https://t.co/PqL03w73Ba pic.twitter.com/vllOxqRVs2

— ANI (@ANI) March 19, 2023

સોશિયલ મીડિયા પર વાયરલ થયેલા આ વીડિયોમાં સ્પષ્ટપણે જોઈ શકાય છે ક,  કેવી રીતે એક વ્યક્તિ કારમાં બેઠેલી છોકરીને ખેંચી અને માર મારી રહ્યો છે. આ વીડિયોની તપાસ કર્યા બાદ જાણવા મળ્યું કે, આ વીડિયો રાજધાની દિલ્હીના આઉટર જિલ્લાનો છે. દિલ્હી પોલીસના જણાવ્યા અનુસાર, બે છોકરાઓ અને એક છોકરીએ ઉબેર એપ દ્વારા કેબ બુક કરાવી હતી. ઉબેર ટેક્સી રોહિણીથી વિકાસપુરી માટે બુક કરવામાં આવી હતી. 

दिल्ली में ऊबर कैब में लड़की को जबरदस्ती धकेलने का वीडियो वायरल। वीडियो में दिख रहे लड़का लड़की एक दूसरे को जानते है।

पुलिस जांच में जुटी। #DelhiPolice pic.twitter.com/duykqRr1Po

— Sonu Kumar (@Sonu_indiatv) March 19, 2023

કોઈ મુદ્દે ઝગડો થયો અને પછી...... 
વિગતો મુજબ ટેક્સી ડ્રાઈવર બંને છોકરાઓ અને એક છોકરીને લઈને વિકાસપુરી તરફ જઈ રહ્યો હતો. આ દરમિયાન તેમની વચ્ચે કોઈ મુદ્દે ઝઘડો થયો હતો. વિવાદ બાદ જ્યારે યુવતી કારમાંથી નીચે ઉતરવાની કોશિશ કરી રહી હતી ત્યારે ટેક્સીમાં બેઠેલા એક છોકરાએ તેને બળપૂર્વક કારની અંદર ધકેલી દીધી હતી. વીડિયોમાં વાહનની નંબર પ્લેટ સ્પષ્ટ જોઈ શકાય છે. હરિયાણા રજીસ્ટ્રેશન પ્લેટ વાહન પર છે. વીડિયોની નોંધ લેતા દિલ્હી પોલીસે વીડિયોમાં દેખાતા વાહન અને તેના ડ્રાઈવરની ઓળખ કરી લીધી છે અને વધુ તપાસ ચાલી રહી છે.