યુકેના સ્કોટલેન્ડના પશ્ચિમ કિનારે આવેલા એક સ્કોટિશ ટાપુને 70 હજાર ડોલર એટલે કે, લગભગ 51 લાખ રૂપિયામાં વેચાણે મુક્યો છે
સ્કોટિશ ટાપુને 70 હજાર ડોલર એટલે કે, લગભગ 51 લાખ રૂપિયામાં વેચાણે મુક્યો
ટાપુ ખરીદરનારને સ્કુબા ડાઈવિંગ સહિત વિવિધ પ્રવૃતિઓ માટે મંજૂરી અપાશે
બે બેડરૂમના ફ્લેટના બજેટમાં એક ટાપુ મળી શકે છે.
ઘર.. બે અક્ષરના આ શબ્દમાં સ્વર્ગની અનુભૂતિ છે. આપણે ત્યાં એવુ કહેવાતું અને સંભળાતું રહ્યું છે કે ધરતીનો છેડો એટલે ઘર. ઘણી વખત લોકો બજેટ ઓછું હોય ત્યારે પોતાનું મનપસંદ ઘર કે ફ્લેટ ખરીદવા માટે થોડો સમય રાહ જોવા તૈયાર હોય છે. આવી સ્થિતિમાં, જો કોઈ તમને કહે કે 2 બેડરૂમના ફ્લેટના બજેટમાં એક સંપૂર્ણ ટાપુ મળી શકે છે, તો કોઈ માને નહીં, પણ તે સાચું છે.
ટાપુમાં સ્કુબા ડાઈવિંગ જેવી પ્રવૃતિઓ માટે મંજૂરી અપાશે
વાસ્તવમાં આ ટાપુ સ્કોટલેન્ડના પશ્ચિમ કિનારે આવેલું છે. 22 એકરનું આ સ્કોટિશ ટાપુ 70 હજાર ડોલર એટલે કે લગભગ 51 લાખ રૂપિયામાં વેચાણ પર છે. આ ટાપુનું વન્યજીવન પર્યાવરણ પ્રેમીઓને અલગ આરામ આપે છે. તે જ સમયે, આ સંપૂર્ણપણે નિર્જન ટાપુઓ અચિલ્ટિબુઇથી માત્ર 1.5 માઇલ દૂર સ્થિત છે.જ્યાં માત્ર 300 લોકો રહે છે. બ્રિટનની એેક અગ્રણી ન્યૂઝ વેબસાઈટના રેકોર્ડમાં પ્રકાશિત થયેલા અહેવાલ મુજબ, કોર્ન ડેઝ તરીકે ઓળખાતા આ દરિયાઈ ટાપુમાં પોર્પોઈઝ, ડોલ્ફિન, શાર્ક અને વ્હેલ સહિત ઘણાં વન્યજીવન છે. યુકેના એક અખબારી યાદી અનુસાર, ટાપુ ખરીદનારને ત્યાં બોટિંગ,સ્કુબા ડાઇવિંગ અને સ્નોર્કેલિંગ જેવી પ્રવૃત્તિઓ કરવાની મંજૂરી આપવામાં આવશે.
ટાપુમાં લાકડાની કેબિન પણ નથી
ગોલ્ડક્રેસ્ટના પ્રવક્તાએ આ સોદા વિશે જણાવ્યું હતું કે, ટાપુ પર ક્યાંય બાંધકામ કાર્ય થયું નથી. ટાપુ પર લાકડાની નાની કેબિન પણ નથી. થોડા સમય પહેલા સુધી લોકો અહીં ઉનાળા દરમિયાન ઘેટાં ચરાવવા આવતા હતા. ગોલ્ડક્રેસ્ટની વેબસાઇટ અનુસાર, ટાપુ ઓલ્ડ ડોર્ની હાર્બર અથવા બેડેન્ટરબેટ પિયરથી 25 મિનિટની હોડી સફર દ્વારા જ સુલભ છે. તમે સપનાનું ઘર, સપનાનો મહેલ, પરીઓનું ઘર અને અમીરોના બંગલો જેવા ઘણા ઉદાહરણો સાંભળ્યા હશે. આવી સ્થિતિમાં, જે માલિક આટલો સસ્તો ટાપુ ખરીદે છે તે પણ તેને પોતાના અનુસાર સુધારો કરી શકશે.