ગુજરાતમાં મેઘરાજા મહેરબાન થતાં જળાશયો છલકાયા  

ગુજરાતમાં ઘણી વાટ જોવડાવ્યા બાદ મેઘરાજા મહેરબાન થતાં જળાશયો છલકાયા છે. ગુજરાતમાં વરસાદના બીજા રાઉન્ડથી ડેમોમાં પાણીની આવક થઈ છે. 

કુલ 203 જળાશયોમાં 219676 MCFT પાણીનો સંગ્રહ થયો છે. જળાશયોની કુલ સંગ્રહ શક્તિના 39.47 ટકા પાણીનો સંગ્રહ થયો છે. ઉત્તર ગુજરાતના 15 ડેમમાં 32.59 ટકા પાણીનો સંગ્રહ થયો છે. 

મધ્ય ગુજરાતના 17 જળાશયોમાં 53.99 ટકા અને દક્ષિણ ગુજરાતના 13 જળાશયોમાં 36.73 ટકા પાણીનો સંગ્રહ થયો છે અને સૌરાષ્ટ્રના 138 જળાશયોમાં 44.30 ટકા પાણીના જથ્થાનો સંગ્રહ થયો છે. 

ઉલ્લેખનીય છે કે કેરળ અને કર્ણાટકમાં આકાશી આફતના કારણે કાળો કહેર વર્તાઇ રહ્યો છે હજારો લોકો બેઘર થયા છે. જ્યારે તંત્ર દ્વારા બચાવ કામગીરી યથાવત છે.