બેદરકારી / Video Viral : મફીન્સમાંથી નીકળી જીવાત, રાજકોટની 'વિવાદીત' ઈમ્પિરિયલ પેલેસ હોટલ ફરી વિવાદમાં

• રાજકોટની ઈમ્પિરિયલ પેલેસ હોટલ વિવાદમાં આવી
• ઈમ્પિરિયલ પેલેસ હોટલના મફીન્સમાંથી નીકળી જીવાત
• ગ્રાહકે મફીન્સ પોતાની ભત્રીજીને ખવડાવતા પડી બીમાર

મોટી મોટી ફાઇવ સ્ટાર હોટલોમાં સ્વચ્છતા તથા ફૂડ ક્વૉલિટીના નામે ગ્રાહકો પાસેથી રીતસરની લૂંટ ચલાવાય છે. તોતિંગ ભાવ ગ્રાહકો પાસેથી વસૂલતા હોય છે ત્યારે હોટલની ફરજ એ પણ બને છે કે ગ્રાહકને પૈસા ખર્ચે તે પ્રમાણેની સર્વિસ પણ આપવામાં આવે. પરંતુ  આવી હોટલોમાં ફૂડ ક્વોલિટીના નામે લોલમલોલ ચાલતુ હોવાનું સામે આવે છે. નામચીન હોટલોમાંથી જીવાત અને ગરોળી નીકળવાની ઘટનાઓ બને છે ત્યારે આવી જ રીતે રાજકોટની એક હોટલ વિવાદમાં આવી..

ઇમ્પિરિયલ પેલેસ હોટ્લના મફીન્સમાં જીવાત

રાજકોટની ઇમ્પિરિયલ પેલેસ હોટ્લના મફીન્સમાંથી જીવાત નીકળતા વિવાદ થયો. ગ્રાહકે મફીન્સ પોતાની ભત્રીજીને ખવડાવતા તે બીમાર પડી હતી. આ બાબતે ગ્રાહકે રજૂઆત કરતા હોટલના મેનેજર રીતસરના બાખડી પડ્યા. મેનેડર રાહુલ રાઉએ ગ્રાહક સાથે ઉદ્ધતાઇ ભર્યુ વર્તન કર્યુ. આ ઘટનાનો વીડિયો સોશિયલ મીડિયામાં વાયરલ થયો છે. વીડિયોમાં સાંભળી શકાય છે કે મેનેજર ગ્રાહકના આરોપોને ફગાવી દે છે. તે કહે છે કે આ અમારુ નથી. ગ્રાહક કહી રહ્યો છે કે કાર્ડ પેમેન્ટ કર્યુ છે, બિલ છે તેમ છતાં મેનેજર માનવા તૈયાર નથી.

હોટલ મેનેજર-માલિક સામે થશે કાર્યવાહી  ?

આ વીડિયોમાં મફીન્સમાં જીવાત હોવાનું સ્પષ્ટ જોઇ શકાય છે તેમ છતાં મેનેજર આ બાબત સ્વીકારવા કરવા તૈયાર થતો નથી. ત્યારે અહીં સવાલ એ થાય છે કે શું આ રીતે જ આ હોટલમાં જીવાત વાળુ ભોજન પીરસાતુ હશે. શું આ રીતે જ ગ્રાહકોના આરોગ્ય સાથે ચેડા થતા હશે..અત્યાર સુધી કેટલાક લોકોએ આ હોટલમાં આરોગ્યુ હશે તેનું શું ? હોટલમાં પીરસાતુ ભોજન શુદ્ધ અને ગુણવત્તા યુક્ત છે તેની ખાતરી શું ? એક તો પૈસા આપવાના અને પાછી તબિયત પણ ખરાબ કરવાની ? ક્યારે થશે હોટલના મેનેજર અને માલિક વિરુદ્ધ કાર્યવાહી ?  રાજકોટ મનપા દ્વારા આવી હોટલો સામે ક્યારે કરાશે કડક કાર્યવાહી તે જોવુ રહ્યું. ઉલ્લેખનીય છે કે આ હોટલ અગાઉ હોટલમાં અશ્લિીલ ડાન્સનો વીડિયો સામે આવતા વિવાદમાં આવી હતી.