સલામ / દેશના સાચા સ્ટાર: રિષભ પંતને પૈસા પાછા આપવા આવ્યા બે શખ્સ, અકસ્માતમાં બચાવ્યો હતો જીવ

• રજત અને નીશૂએ બચાવ્યો હતો પંતનો જીવ 
• લઈ ગયા હતા રૂડકીની હોસ્પિટલમાં 
• રિષભ પંતને પૈસા પાછા આપવા આવ્યા બે શખ્સ

નવા વર્ષ પહેલા માર્ગ અકસ્માતમાં ઘાયલ ભારતીય ક્રિકેટર ઋષભ પંતની દેહરાદૂનની હોસ્પિટલમાં સારવાર ચાલી રહી છે. જ્યાં તેની હાલત હવે પહેલા કરતા ઘણી સારી જણાવવામાં આવી રહી છે. ડૉક્ટરોની ટીમ અને BCCI સતત તેમના સ્વાસ્થ્ય પર નજર રાખી રહી છે. 

દરમિયાન અકસ્માત સમયે તેની મદદ કરનાર રજત અને નિશુ નામના બે યુવકો આજે ઋષભ પંતને મળ્યા હતા અને અકસ્માત દરમિયાન ખોવાઈ ગયેલા 4,000 રૂપિયા પોલીસ પ્રશાસનને આપ્યા હતા.

 

Dehradun, Uttarakhand | Rajat and Nishu, who took Rishabh Pant to a Roorkee hospital have come to meet him in a hospital in Dehradun. He handed over Rs 4,000 cash belonging to the cricketer, to the police administration which was lost during the accident. pic.twitter.com/QjE5jW4Sjg

— ANI UP/Uttarakhand (@ANINewsUP) January 2, 2023

રજય અને નિશુએ કરી હતી રિષભ પંતની મદદ 
રજત અને નિશુ એ બે લોકો છે જેમણે અકસ્માત બાદ રિષભ પંતને મદદ કરી હતી અને શરૂઆતમાં તેને રૂડકીની હોસ્પિટલમાં લઈ ગયા હતા. જેથી તેને સમયસર યોગ્ય સારવાર મળી શકે. રૂરકીમાં પ્રાથમિક સારવાર બાદ ક્રિકેટરને દેહરાદૂનની હોસ્પિટલમાં દાખલ કરવામાં આવ્યો હતો.

ત્યારબાદ આજે રજત અને નિશુ તેને મળવા દેહરાદૂનની હોસ્પિટલમાં આવ્યા હતા. અહીં તે પોલીસ પ્રશાસનને પણ મળ્યા હતા. આ દરમિયાન તેમણે અકસ્માત બાદ રિષભ પંતે ગુમાવેલા 4 હજાર રૂપિયા પણ પોલીસ પ્રશાસનને પરત કર્યા.

જે વ્યક્તિએ પંતનો જીવ બચાવ્યો તેણે પૈસા પરત કર્યા
અકસ્માત વિશે માહિતી આપતા રજતે કહ્યું, "અકસ્માત પછી તરત જ અમે ઋષભ પંતને જોયો. બસ કંડક્ટર સુશીલે એમ્બ્યુલન્સ અને પોલીસને બોલાવી હતી, ત્યારબાદ અમે ઋષભ પંતને ધાબળો આપ્યો. પરંતુ તે સમય સુધી અમે તેમને ઓળખી શક્યા ન હતા. એક્સીડેન્ટ સમયે તેનો દરેક સામાન બળી ગયો હતો."