ઉત્તરપ્રદેશ / ખૌફનાક ઘટના! સપા નેતાની ગાડીને ટક્કર મારીને 500 મીટર સુધી ઘસડી ગયો ટ્રક, VIDEO જોઈ કંપારી છૂટી જશે

• ઉત્તરપ્રદેશમાં સમાજવાદી પાર્ટીના જિલ્લા પ્રમુખની કારને નડ્યો અકસ્માત 
• ટ્રક ચાલક સપા જિલ્લા પ્રમુખની કારને ટક્કર મારી 500 મીટર સુધી ખેંચી ગયો 
• સપાના જિલ્લા પ્રમુખ માંડ બચ્યાં તો સ્થાનિકોએ ટ્રક ચાલકને ઝડપી પોલીસને સોંપ્યો

ઉત્તર પ્રદેશના મૈનપુરીમાં અકસ્માતની એક ચોંકાવનારી ઘટના સામે આવી છે. વિગતો મુજબ સમાજવાદી પાર્ટીના કાર્યાલયથી તેમના ઘર તરફ જઈ રહેલા પાર્ટી જિલ્લા અધ્યક્ષના વાહનને ટ્રકે વારંવાર  ટક્કર મારી હતી. ત્યારપછી કારને કેટલાય મીટર સુધી ખેંચીને લઈ ગયો. આ તરફ સ્થાનિક લોકોની તકેદારીના કારણે એસપી જિલ્લા પ્રમુખને વાહનમાંથી સલામત રીતે બહાર કાઢવામાં આવ્યા હતા. સ્થાનિક લોકોએ ટ્રક ચાલકને સ્થળ પરથી પકડીને પોલીસને હવાલે કર્યા હતા. એસપી જિલ્લા પ્રમુખ દ્વારા પોલીસ સ્ટેશનમાં ફરિયાદ પણ કરવામાં આવી છે. આ ઘટનાનો એક વીડિયો પણ સોશિયલ મીડિયામાં વાયરલ થઈ રહ્યો છે.

કેવી રીતે બની સમગ્ર ઘટના ? 

ઉત્તર પ્રદેશના મૈનપુરીમાં સમાજવાદી પાર્ટીના જિલ્લા અધ્યક્ષ દેવેન્દ્ર સિંહ યાદવ તેમની વિટારા બ્રિજા કારમાં ઓફિસથી કરહાલ રોડ પરના તેમના નિવાસસ્થાને જઈ રહ્યા હતા. આ દરમ્યાન જેવા તે શહેરના માધવ ગેસ્ટ હાઉસની સામે પહોંચ્યા ત્યારે પાછળથી આવી રહેલી એક ટ્રકે સપા જિલ્લા અધ્યક્ષની કારને ટક્કર મારી દીધી. જિલ્લા પ્રમુખે પાછળ જોયું ત્યાં સુધીમાં ટ્રક ચાલકે તેમને ફરીથી ટક્કર મારી હતી અને કારને 500 મીટર સુધી કરહાલ ચોકડી તરફ લઈ ગયો હતો. 

#WATCH A truck dragged the car of SP District President Devendra Singh Yadav for about 500 meters in UP's Mainpuri pic.twitter.com/86qujRmENr

— ANI UP/Uttarakhand (@ANINewsUP) August 8, 2022

આ દરમ્યાન બાઇક સવારોએ ટ્રકને રોકવાનો પ્રયાસ કરતી વખતે ટ્રકની આગળ કાર મૂકીને વાહન રોકવાનો પ્રયાસ કર્યો હતો. જ્યાં ચાલકે તેમના ઉપર પણ ટ્રક ચઢાવવાનો પ્રયાસ કર્યો હતો. પરંતુ તેઓ સદનસીબે બચી ગયા હતા. જે બાદમાં સ્થાનિક લોકોએ પીછો કરીને ટ્રકને અટકાવી અને જિલ્લા પ્રમુખને કારમાંથી સલામત રીતે બહાર કાઢ્યા.

સ્થાનિકોએ ટ્રક ચાલકને ઝડપી પોલીસને સોંપ્યો

લોકોએ સ્થળ પરથી ટ્રક ચાલકને પકડીને પોલીસને હવાલે કર્યો હતો. પોલીસ સ્ટેશનમાં ફરિયાદ નોંધાવતા જિલ્લા પ્રમુખે તેને હત્યાનું કાવતરું ગણાવ્યું છે. સમગ્ર મામલાને લઈને સીઓ સિટી વિજયપાલ સિંહે જણાવ્યું કે, એસપી જિલ્લા પ્રમુખની કારને ટ્રકે ઘણી વખત ટક્કર મારી હતી, જેમાં તેઓ બચી ગયા હતા. તેમના દ્વારા જે પણ ફરિયાદ આવશે તેના આધારે કાર્યવાહી કરવામાં આવશે. ડ્રાઈવર વિનય યાદવ ચૌબિયા ઈટાવાનો રહેવાસી છે.