રાજકારણ / સમાધાનનો સમય' પૂરો થઈ ગયો, હવે પીછે હટનો તો સવાલ જ ઉભો નથી થતો, જાણો કયા નેતાએ કહ્યું આવું

• કેપ્ટન અમરિંદર સિંહે સોનીયા ગાંધીનો આભાર માન્યો 
• કોંગ્રેસ સાથે પડદા પાછળની વાતચીત અહેવાલો ખોટા છે 
• કેપ્ટને કહ્યું કે, હું ટૂંક સમયમાં મારી પાર્ટીની જાહેરાત કરીશ 

કેપ્ટન અમરિંદર સિંહે સોનીયા ગાંધીનો આભાર માન્યો 

પંજાબના પૂર્વ મુખ્યમંત્રી કેપ્ટન અમરિંદર સિંહે ફરી એકવાર સ્પષ્ટ કર્યુ છે  કે, તેઓ કોંગ્રેસમાં રહેશે નહીં અને ટૂંક સમયમાં પોતાની પાર્ટી બનાવશે. કોંગ્રેસ સાથે પડદા પાછળની વાતચીતના અહેવાલોને નકારી કાઢતાં કેપ્ટને કહ્યું કે, સમય વીતી ગયો છે કોંગ્રેસના વચગાળાના અધ્યક્ષ સોનિયા ગાંધીનો તેમના સહકાર બદલ આભાર વ્યક્ત કરતા કેપ્ટને કહ્યું કે તેઓ હવે કોંગ્રેસમાં રહી શકશે નહીં.

કોંગ્રેસ સાથે પડદા પાછળની વાતચીત અહેવાલો ખોટા છે 

કેપ્ટનના મીડિયા સલાહકાર રવીન ઠુકરાલે ટ્વિટર પર પૂર્વ મુખ્યમંત્રીનું નિવેદન જાહેર કર્યું. જેમાં કેપ્ટને કહ્યું કે, કોંગ્રેસ સાથે પડદા પાછળની વાતચીતના અહેવાલો ખોટા છે. સમાધાનનો સમય પૂરો થઈ ગયો છે. હું સોનિયા ગાંધીનો તેમના સહકાર માટે આભારી છું,પરંતુ હવે હું કોંગ્રેસમાં નહીં રહીશ.” તમને જણાવી દઈએ કે, પોતાની પાર્ટી બનાવવાની જાહેરાત કરનાર કેપ્ટને હજુ સુધી કોંગ્રેસના સભ્યપદેથી રાજીનામું આપ્યું નથી.

કેપ્ટને કહ્યું કે, હું ટૂંક સમયમાં મારી પાર્ટીની જાહેરાત કરીશ 

કેપ્ટને વધુમાં કહ્યું, "હું ટૂંક સમયમાં મારી પાર્ટીની જાહેરાત કરીશ અને ખેડૂતોના મુદ્દાને ઉકેલ્યા પછી, હું ભાજપ અને અકાલી દળના વિભાજિત જૂથો સાથે બેઠકોની વહેંચણી પર સમજૂતી કરીશ. હું પંજાબ અને તેના ખેડૂતોના હિતમાં એક મજબૂત સામૂહિક દળનું નિર્માણ કરવા માંગુ છું." નવજોત સિંહ સિદ્ધુ સાથે લાંબા સમય સુધી સંઘર્ષ બાદ કોંગ્રેસમાં અપમાનિત થયેલા કેપ્ટને તાજેતરમાં મુખ્યમંત્રી પદેથી રાજીનામું આપ્યું હતું.