સ્પોર્ટ્સ / કોહલીની જીદ ભારતને પડી ભારે, વિરાટના આ 3 નિર્ણયના કારણે ટીમે સહન કરવી પડી કારમી હાર

• વિરાટના 3 નિર્ણય ટીમ ઇન્ડિયાને પડ્યા ભારે
• કોહલીની જીદે ટીમ ઇન્ડિયાને હાર અપાવી!
• ઓપનર તરીકે રોહીતને કર્યો નજર અંદાજ

કામ ન લાગ્યો નિર્ણય
ન્યુઝીલેન્ડ સામેની મેચ માટે સૂર્યકુમાર યાદવની જગ્યાએ ઈશાન કિશનને પ્લેઈંગ-11માં તક આપવામાં આવી હતી અને ટોસ સમયે કેપ્ટન કોહલીએ કહ્યું હતું કે ઈશાન ટોપ ઓર્ડરમાં રમશે. હવે સવાલ એ ઊભો થઈ રહ્યો છે કે 3 T20 ઈન્ટરનેશનલ રમી ચૂકેલા બિનઅનુભવી ઈશાન સાથે ઈનિંગની શરૂઆત કરવાનું જોખમ વિરાટે શા માટે લીધું? તે પણ જ્યારે ઈશાનને નવા બોલ સાથે ટ્રેન્ટ બોલ્ટ અને ટિમ સાઉદી જેવા સ્વિંગ બોલરોનો સામનો કરવો પડ્યો હતો. 

રોહીતને ઓપનર તરીકે નજર અંદાજ કર્યો
વિરાટનો બીજો ચોંકાવનારો નિર્ણય રોહિત શર્માને ઓપનર તરીકે નજરઅંદાજ કરવાનો હતો. કરો અથવા મરો મેચમાં, રોહિતના બેટિંગ ક્રમમાં ફેરફાર કરીને ટોચના ક્રમમાં ઇશાન કિશનને રાખવામાં આવ્યો હતો. તે ત્રીજા નંબરે રમવા આવ્યો હતો અને તે પણ ઈશ સોઢીની બોલ પર મોટો શોટ રમવાના ચક્કરમાં સસ્તામાં આઉટ થઈ ગયો હતો. રોહિતે 14 બોલમાં 14 રન બનાવ્યા હતા. આનાથી ટીમ ઈન્ડિયાના મિડલ ઓર્ડર પર વધુ દબાણ આવ્યું. ઓપનર તરીકે રોહિતનો રેકોર્ડ શાનદાર છે. તેણે 113 ટી20 આંતરરાષ્ટ્રીય મેચમાંથી 80માં ઓપનિંગ કરી છે અને તેમાં 2404 રન બનાવ્યા છે. ઇનિંગ્સની શરૂઆત કરતા રોહિતે T20માં 4 સદી પણ ફટકારી છે. આવી સ્થિતિમાં વિરાટનો આ નિર્ણય પણ સમજની બહાર હતો.

રોહીતની જગ્યાએ રાહુલ
ન્યુઝીલેન્ડ સામેની મેચમાં કેએલ રાહુલે ટોપ ઓર્ડરમાં પોતાનું સ્થાન જાળવી રાખ્યું હતું. જ્યારે રોહિત શર્માને ત્રીજા નંબરે બેટિંગ કરવી પડી હતી. રાહુલને મિડલ ઓર્ડરમાં બેટિંગ કરવાનો સારો અનુભવ છે. તેણે આંતરરાષ્ટ્રીય ક્રિકેટ અને આઈપીએલ બંનેમાં મિડલ ઓર્ડરમાં બેટિંગ કરી છે અને મિડલ ઓર્ડરમાં રમતી વખતે તેનો શાનદાર રેકોર્ડ છે.