કાબુલમાં એક દુકાનના માલિકે કહ્યું, "આ મહિનાની શરૂઆતથી જ બર્થ કંટ્રોલ પિલ્સ અને ડેપો-પ્રોવેરા ઈન્જેક્શન જેવી વસ્તુઓને ફાર્મસીમાં રાખવાની પરવાનગી નથી અને અમે હાલના સ્ટોકને વેચવાથી ખૂબ જ ડરી રહ્યા છીએ."
તાલિબાને લગાવ્યો બર્થ કંટ્રોલ પિલ્સ પર પ્રતિબંધ
તેને ગણાવ્યું પશ્ચિમી દેશોનું ષડયંત્ર
દવાની દુકાન પર લોકોને મળી રહી છે ધમકી
તાલિબાન યુવકોએ અફઘાનિસ્તાનના બે મુખ્ય શહેરોમાં ગર્ભ નિરોધકોના વેચાણ પર પ્રતિબંધ લગાવી દિધો છે. તેમણે એવો દાવો કર્યો છે કે મહિલાઓ દ્વારા ગર્ભ નિરોધકના વેચાણના ઉપયોગ મુસ્લિમ આબાદીને નિયંત્રિત કરવા માટે એક પશ્ચિમી ષડપંત્ર છે. એક રિપોર્ટ અનુસાર તાલિબાન ઘરે ઘરે જઈને લોકોને ધમકાવી રહ્યા છે અને ફાર્મસિયોને પણ બર્થ કંટ્રોલ પિલ્સ અને ઉપકરણોને ખાલી કરવાનો આદેશ આપી રહ્યા છે.
લોકોને ધમકાવી રહ્યા છે તાલિબાનીઓ
શહેરમાં એક દુકાનના માલિકે કહ્યું, "તે બે વખત બંધૂક લઈને મારા સ્ટોર પર આવ્યો અને મને ધમકી આપી કે હું ગર્ભનિરોધન દવાઓનું વેચાણ ન કરૂ. તે નિયમિત રીતે કાબુલમાં આ ફાર્મસીની તપાસ કરી રહ્યા છે અને અમે પ્રોડક્ટસને વેચવાનું બંધ કરી દીધુ છે." એક વયોવૃદ્ધ મહિલા, જે નામ નથી લેવા માંગતી તેમણે જણાવ્યું કે તેને ધણી વખત ધમકાવવામાં આવી છે.
બર્થ કંટ્રોલ પિલ્સને સ્ટોક ન કરવાનો આદેશ
તેમણે કહ્યું કે તેમને એક તાલિબાન કમાન્ડરે કહ્યું હતું. "તમને બહાર જવા અને જનસંખ્યાને નિયંત્રિત કરવાની પશ્ચિમી અવધારણાને પ્રમોટ કરવાની પરવાનગી નથી અને આ બિનજરૂરી કામ છે." ધ ગાર્જિયને જણાવ્યું કે કાબુલ અને મઝાર-એ-શરીફના અન્ય ફાર્માસિસ્ટોએ પુષ્ટિ કરી છે કે તેમને કોઈ પણ બર્થ કંટ્રોલ દવાઓનો સ્ટોક ન રાખવાનો આદેશ આપ્યો છે.
કાબુલમાં રસ્તાઓ પર પેટ્રોલિંગ કરી રહ્યા તાલિબાની યુવકો
કાબુલમાં એક અન્ય દુકાનના માલિકે જણાવ્યું, "આ મહિનાની શરૂઆતથી બર્થ કંટ્રોલ ગોળીઓ અને ડેપો-પ્રોવેરા ઈન્જેક્શન જેવી વસ્તુઓને ફાર્મસીમાં રાખવાની પરવાનગી નથી અને અમે હાલના સ્ટોકને વેચવાથી ખૂબ જ ડરી રહ્યા છીએ." કાબુલમાં રસ્તાઓ પર ગનઘારી તાલિબાની યુવકો સૂત્રોચ્ચાર કરી રહ્યા છે કે 'ગર્ભનિરોધક ઉપયોગ અને પરિવાર નિયોજન એક પશ્ચિમી એજન્ડા છે.'