નશો સ્વાસ્થ્ય માટે ખૂબ જ ખતરનાક માનવામાં આવે છે, તેથી નિષ્ણાતો કોઈપણ પ્રકારના નશાથી દૂર રહેવાની સલાહ આપે છે.
પશ્ચિમ બંગાળના યુવાનોમાં લાગી અજીબ લત
નશો કરવા માટે કંડોમનો ઉપયોગ કરવા લાગ્યા
કોન્ડોમનો નશો કરવો ખૂબ જ ખતરનાક છે-નિષ્ણાંત
આજના સમયમાં બજારમાં એવા ઘણા કેમિકલ ઉત્પાદનો છે જેનાથી લોકો નશો કરી રહ્યા છે. કલર, કફ સિરપ, પેટ્રોલ, ટાયર પંચર ટ્યુબ અને નેઇલ પોલીશનો પણ નશામાં ઉપયોગ થઇ રહ્યો છે. હાલમાં જ એક વિચિત્ર ઘટના સામે આવી છે. તમને અજુગતું લાગશે, પરંતુ એ વાત સાચી છે કે પશ્ચિમ બંગાળના યુવાનો કોન્ડોમનો નશો કરે છે.કોન્ડોમના વેચાણમાં અચાનક વધારો થવાને કારણે બજારમાંથી કોન્ડોમ ખલાસ થઈ ગયા છે. જાણો કેવી રીતે યુવાનો કોન્ડોમનો નશો કરે છે.
આ રીતે કરે છે યુવાનો કરે છે કોન્ડોમથી નશો
પશ્ચિમ બંગાળના દુર્ગાપુરમાં યુવાનોમાં કોન્ડોમનું વ્યસન ખૂબ જ લોકપ્રિય બન્યું છે. તેઓ બજારમાંથી ફ્લેવર્ડ કોન્ડોમ લે છે અને તેને એક કલાક સુધી ગરમ પાણીમાં પલાળી રાખે છે. એક કલાક પછી, તેઓ તે પાણી પીવે છે, જેનો નશો લગભગ 10 થી 12 કલાક સુધી ચાલે છે. ઉલ્લેખનીય છે કે, દુર્ગાપુરમાં એવા ઘણા વિદ્યાર્થીઓ રહે છે જેઓ તેમના ઘરથી દૂર હોસ્ટેલમાં રહે છે. હોસ્ટેલમાં રહેતા તેઓ સિગારેટ અને દારૂ જેવા અનેક પ્રકારના નશાના વ્યસની બની ગયા છે. આલ્કોહોલ અને અન્ય માદક દ્રવ્યો કોન્ડોમ કરતાં વધુ મોંઘા છે. તેઓ તેમના પોકેટ મનીમાંથી સરળતાથી કોન્ડોમ લઈ શકે છે અને તેને લેવા માટે ડૉક્ટરના પ્રિસ્ક્રિપ્શનની પણ જરૂર નથી. તેથી જ વિદ્યાર્થીઓ ફ્લેવર્ડ કોન્ડોમનો નશો કરે છે.
કોન્ડોમનો નશો કરવો ખૂબ જ ખતરનાક છે
નિષ્ણાંતોના જણાવ્યા અનુસાર, ફ્લેવર્ડ કોન્ડોમના નશામાં ઝેરી સંયોજનો હોઈ શકે છે જે કેન્સરનું કારણ બની શકે છે. તેથી તેનો નશો ટાળવો જોઈએ. અત્યારે યુવાનોને તેનો નશો કરવો સારું લાગે છે, પરંતુ ભવિષ્યમાં તેની ગંભીર આડ-અસર પણ થઈ શકે છે.
ફ્લેવર્ડ કોન્ડોમ આલ્કોહોલ જેવું કામ કરે છે
વિચિત્ર વ્યસનની લતમાં આવી ગયેલા આ વિદ્યાર્થીઓએ અનેક સવાલો ઉભા કર્યા છે. નિષ્ણાંતોના જણાવ્યા અનુસાર, કોન્ડોમને લાંબા સમય સુધી પાણીમાં પલાળીને રાખવામાં આવે તો તેનો સ્વાદ પાણીમાં આવે છે. અને જો કોઈ તેને પીવે છે, તો તે નશો થાય છે. આનું કારણ એ છે કે, ફ્લેવર્ડ કોન્ડોમના સ્વાદમાં સુગંધિત સંયોજનો હોય છે. જ્યારે પાણીમાં પલાળવામાં આવે છે, ત્યારે સ્વાદના કાર્બનિક અણુઓ આલ્કોહોલ સંયોજનમાં તૂટી જાય છે અને આલ્કોહોલની જેમ કાર્ય કરે છે.