નિવેદન / પંજાબને હવે સમજાયું કે AAPને જીતાડી ભૂલ કરી, ગુજરાતમાં ત્રીજો પક્ષ નહીં ચાલે: શક્તિસિંહનું મોટું નિવેદન

• શક્તિસિંહ ગોહિલનું AAP પર નિવેદન
• AAP ભાજપની બી ટીમ છેઃ શક્તિસિંહ
• મુખ્યમંત્રી માટે કોંગ્રેસની પારદર્શક પરંપરા છેઃ શક્તિસિંહ

ગુજરાત વિધાનસભાની ચૂંટણીને લઇને રાજકીય પાર્ટીઓ એક્શન મોડમાં આવી ગઇ છે. તેમાં પણ આ વખતે ગુજરાતમાં ત્રિપાંખિયો જંગ ખેલાવાનો છે.કારણ કે ભાજપ-કોંગ્રેસ સિવાય આમ આદમી પાર્ટી ગુજરાતમાં એક્ટિવ મો઼ડમાં જોવા મળી રહી છે. ગુજરાતમાં શિક્ષણ, મેડિકલ, વીજળી સહિતની  સુવિધાઓને   રાહત દરે આપવાની યોજના સાથે મેદાને ઉતર્યુ છે. ત્યારે આમ આદમી પાર્ટીની સક્રિયતા જોઇને કોંગ્રેસના દિગ્ગજ નેતાએ મહત્વનું નિવેદન આપી દીધુ.

ગુજરાતમાં ત્રીજો વિકલ્પ નથી ચાલતોઃ શક્તિસિંહ

ગુજરાતમાં ભાજપ અને કોંગ્રેસ વચ્ચે જ સ્પર્ધા છે.ગુજરાતમાં ત્રીજો વિકલ્પ ક્યારેય ચાલતો નથી.આપ એ ભાજપની બી ટીમ છે તેમ રાજ્યસભાના સાંસદ અને કોંગ્રેસના દિગ્ગજ નેતા શક્તિસિંહ ગોહિલે નિવેદન આપ્યું.. ગુજરાતમાં આમ આદમી પાર્ટીની સક્રિય ભૂમિકા જોઇને શક્તિસિંહ ગોહિલે વધુમાં એમ પણ જણાવ્યું કે ગોવામાં આપ આ રીતે જ ગયુ હતું પરંતુ એકાદ બે સીટ કરતા ડિપોઝિટ પણ ન બચાવી શક્યા. પણ  ગોવામાં ભાજપને ફાયદો કરાવી દીધો. ગોવાની જનતા ભાજપને સત્તામાં ન્હોતી ઇચ્છતી. માત્ર થો઼ડા જ સમયમાં પંજાબના લોકોએ જોયુ કે અમે ભૂલ કરી છે. ગુજરાતના લોકો ક્યારેય પણ ત્રીજા પક્ષને મત આપીને નિર્ણાયક પરિસ્થિતિને પલટાવી નથી. 

મુખ્યમંત્રી માટે કોંગ્રેસની પારદર્શક પરંપરા છેઃ શક્તિસિંહ

તો આ તરફ  કોંગ્રેસ પ્રદેશ પ્રભારી રધુ શર્માએ નિવેદન આપતા કહ્યું હતું  કે ગુજરાત કોંગ્રેસ CM પદનો ચહેરો જાહેર નહીં કરે, ચૂંટણી પછી જીત બાદ CM પદનો ચહેરો નક્કી કરાશે તેવી સ્પષ્ટતા કરી હત.તે મામલે પણ શક્તિસિંહ ગોહિલે નિવેદન આપતા જણાવ્યું કે ચૂંટઁણીમાં જીત પછી મુખ્યમંત્રી નક્કી થાય તેવી કોંગ્રેસની પરંપરા છે. બહુમતી ધારસભ્યો મુખ્યમંત્રી પસંદ કરે છે. મુખ્યમંત્રી માટે કોંગ્રેસની પારદર્શક પરંપરા છે.

દર અઠવાડિયે ગુજરાત આવશે અરવિંદ કેજરીવાલ

તો આ તરફ ગુજરાતની વિધાનસભા ચૂંટણીમાં ઝુકાવીને ત્રિપાંખીયો જંગ કરવાનું એલાન કરનારા આમ આદમી પાર્ટીના નેતાએ ગુજરાતના ગામડાઓ અને શહેરોમાં ફ્રી વીજળી આંદોલન શરૂ કર્યું છે. જેમાં મુદ્દો છે કે, જો દિલ્હી અને પંજાબની જનતાને મફત વીજળી મળી શકે તો ભાજપ સરકાર ગુજરાતની જનતાને મફત વીજળી કેમ નથી આપી રહી ?  આ સાથે જ તેઓએ જણાવ્યું હતું કે હવેથી તેઓ  દર અઠવાડિયે ગુજરાત આવશે.

સસ્તી વીજળી મુદ્દે AAPનો ટાઉનહોલ કાર્યક્રમ

મહત્વનું છે કે 4 જુલાઇના રોજ અમદાવાદના વૈષ્ણવદેવી સર્કલ પાસે ટાઉન હોલ કાર્યક્રમનું આયોજન કરવામાં આવ્યું હતું,જેમાં  ગુજરાતમાં ફ્રી વીજળી, આદિવાસી સમાજની સમસ્યા અને ખેડૂતોની સમસ્યાઓ પર અરવિંદ કેજરીવાલ મહત્વની ચર્ચા કરવામાં આવી હતી. .અરવિંદ કેજરીવાલે જણાવ્યું હતું કે, ગુજરાતમાં જનતાએ જે લોકોને ચૂંટયા તે લોકો જલસા કરી રહ્યા છે. તેમનું વીજળી બિલ ઝીરો આવે છે. જ્યારે સામાન્ય જનતાને હજારો રૂપિયાનું વીજળી બિલ આવે છે.