નિવેદન / "ભારતીય ઉદ્યોગતિઓના ઠાઠમાઠ તો રાજાઓ અને મુઘલો કરતાં પણ મોટા છે" : પૂર્વ યુએસ પ્રમુખ

• પૂર્વ પ્રમુખ બરાક ઓબામાએ કર્યો દાવો 
• ભારતીય ઉદ્યોગપતિઓની વૈભવી જીવનશૈલીને લઈને કરી વાત 
• તેમની પુસ્તક 'અ પ્રોમિસ્ડ લેન્ડ' માં કર્યો છે આ દાવો 

પોતાના પુસ્તકમાં તેમણે આ બાબતે વધુમાં લખ્યું છે કે ભારત ના પૂર્વ PM મનમોહન સિંહે તેમની સાથેની વાતચીતમાં કહ્યું હતું કે "અનિશ્ચિતતાથી પૂર્ણ આ સમયમાં મિ. પ્રેસિડેન્ટ, ધાર્મિક અને જાતીય એકતા વધારવાનું આહ્વાન કરવું તે લોકો માટે ભડકાવવાનું સાધન બની શકે છે અને ભારતમાં અથવા અન્ય કોઈ પણ જગ્યાએ રાજનેતાઓ માટે તેનો લાભ લેવો સરળ બની જશે"

યુએસ પ્રમુખે કહ્યું, "ભારત તેનાથી કેવી રીતે બચી શકે છે?"

ઓબામાએ લખ્યું," મેં માથું હલાવતા મારી પ્રાગ યાત્રા જેમાં ચેકોસ્લોવેકીયાના પૂર્વ પ્રમુખ વકલાવ હવેલ સાથે થયેલી મુલાકાતને યાદ કરી હતી જેમાં તેમણે કહ્યું હતું કે યૂરોપમાં અસમાનતા વધી રહી છે અને જો વૈશ્વિકરણ અને ઐતિહાસિક આર્થિક સંકટ જો અપેક્ષાકૃત સંપન્ન દેશોમાં વધી રહ્યું છે, આ મામલે મે વિચાર્યું કે આ અમેરિકામાં આ ટી પાર્ટી જેવુ બની શકે છે તો ભારત તેનાથી કેવી રીતે બચી શકે છે?"

આ સાથે જ ઓબામા એ વધુમાં લખ્યું છે કે," જે દેશમાં લાખો લોકો ગંદગી અને ખરાબ સ્થિતિમાં જીવી રહ્યા છે ત્યાં ભારતીય ઉદ્યોગપતિઓ અને વેપારીઓ એવા ઠાઠમાઠ અને વૈભવશાળી જીવન જીવી રહ્યા છે કે રાજાઓ કે મુઘલોને પણ તેમની ઈર્ષ્યા થાય. "

"એક નાની ભૂલ સમગ્ર ક્ષેત્રનો વિનાશ કરી શકે છે": ઓબામા 

પાકિસ્તાન સાથે ભારત ની દુશ્મનાવટને લઈને તેમણે કહ્યું હતું કે પાકિસ્તાન ની સામે દુશ્મની દેખાડવી તે ભારત ને એકજૂટ કરવા માટે નો સૌથી સરળ ઉપાય છે, ઘણા ભારતીયો આ વાતનું ગૌરવ લે છે કે પાકિસ્તાન નો મુકાબલો કરવા માટે તેમના દેશે પરમાણુ હથિયાર વિકસાવી લીધા છે પરંતુ આ હકીકતની કોઈને પરવા નથી કે કોઈ પણ તરફથી થયેલી એક નાની ભૂલ સમગ્ર ક્ષેત્રનો વિનાશ કરી શકે છે. 

આ પુસ્તકમાં પૂર્વ અમેરિકી પ્રમુખે 2008 ના ચૂંટણી અભિયાનથી લઈને તેમના પહેલા કાર્યકાળના અંતમાં એબોટાબાદમાં અલકાયદા ચીફ ઓસામા બિન લાદેનને મારવાના અભિયાન સુધીની પોતાની યાત્રાનું વિવરણ કર્યું છે, આ પુસ્તકના બે ભાગ છે, પહેલો ભાગ મંગળવારે પ્રસિદ્ધ થયો છે.