તમારા કામનું / 6 એરબેગ વાળા નિયમનું શું થશે? જાણો શું વિચારી રહી છે કાર કંપનીઓ, રાહતની આશા જાગી

• 1 ઓક્ટોબરથી લાગુ થવાનો હતો કારમાં ફરજિયાત 6 એરબેગ્સનો નિયમ 
• હવે નિયમ લાગૂ નહીં થાય એવી અટકળો 
• ગડકરીએ કાર કંપનીઓ સામે વ્યક્ત કરી હતી આપત્તિ 

1 ઓક્ટોબરથી લાગુ થવાનો હતો કારમાં ફરજિયાત 6 એરબેગ્સનો નિયમ 

દેશમાં કારોની સુરક્ષાને લઈને ચાલેલી નવી દલીલ વચ્ચે ભારત સરકાર આવતા મહિનાથી 6 એરબેગને ફરજીયાત કરવાનો કાયદો ટાળી શકે છે. માર્ગ પરિવહન અને ધોરીમાર્ગ મંત્રાલયે જાન્યુઆરીથી આ મામલાને લઈને નોટીફીકેશન જાહેર કર્યું હતું. ત્યારે સરકારે કહ્યું હતું કે દેશમાં યાત્રી કારો માટે 6 એરબેગ ફરજીયાત કરવામાં આવશે. સરકારે  આ માટે 1 ઓક્ટોબરની ડેડલાઈન નક્કી કરી હતી. હવે જોકે ડેડલાઈન નજીક છે, એટલા માટે આ ટાળવાની કોશિશો પણ થઇ શકે છે. 

રિપોર્ટ્સ અનુસાર, ફરજિયાત 6 એરબેગ નિયમ ટાળી શકાય છે. બની શકે છે સરકાર આવનાર દિવસોમાં આ બાબતને લઈને કોઈ જાહેરાત કરે.  

જાન્યુઆરીમાં આવ્યો હતો ડ્રાફ્ટ 
જાન્યુઆરી 2022માં નોટીફીકેશનમાં પ્રસ્તાવ કરવામાં આવ્યો હતો કે 1 ઓક્ટોબર 2022 બાદ બનવાવાળી એમ 1 કેટેગરીની બધી કારો માટે 6 એરબેગ ફરજીયાત થવી જોઈએ. મંત્રાલયનાં પ્રસ્તાવ અનુસાર, એમ1 કેટેગરીની કારોમાં બે સાઈડ/સાઈડ ટોર્સો એરબેગ્સ હોવા જોઈએ અને બે સાઈડ કર્ટેન/ટ્યુબ એરબેગ્સ હોવા જોઈએ. આ ઉપરાંત બે ફ્રંટ એરબેગ્સ તો રહેવા જ જોઈએ. આ પ્રમાણે ટોટલ 6 એરબેગ્સ ફરજીયાત કરવાનું નક્કી કરવામાં આવ્યું હતું. 

સેફટી માટે જરૂરી 
સીટબેલ્ટ અને એરબેગ્સ પણ મહત્વપૂર્ણ બની જાય છે કારણ કે ભારતમાં દર વર્ષે લાખો લોકો માર્ગ અકસ્માતમાં મૃત્યુ પામે છે. માર્ગ અકસ્માતમાં સૌથી વધુ મૃત્યુ પામેલા દેશોમાં ભારતની ગણતરી થાય છે. કેન્દ્રીય મંત્રી નીતિન ગડકરીએ હાલમાં જ આ અંગેના આંકડાઓ રજૂ કર્યા હતા. દેશમાં દર વર્ષે લગભગ 5 લાખ માર્ગ અકસ્માત થાય છે. આ અકસ્માતમાં 1.5 લાખ લોકો પોતાનો જીવ ગુમાવે છે, જ્યારે 3 lakh લોકો ઘાયલ થઇ જાય છે. 

ગડકરીએ વ્યક્ત કરી હતી આપત્તિ 
તેમણે આ વાત પર આપત્તિ વ્યક્ત કરી હતી કે કંપનીઓ અન્ય દેશોમાં પોતાના મોડલોમાં 6 એરબેગ્સ આપે છે, પણ ભારતમાં તે જ મોડલોમાં 6 એરબેગ્સ નથી આપતી. તેમણે કહ્યું હતું કે મોટાભાગની વાહન કંપનીઓ એક્સપોર્ટ થતી કારમાં 6 એરબેગ્સ આપે છે, પણ ભારતમાં આ ઇકોનોમિક મોડલ અને કોસ્ટને કારણે આમ નથી કરતી. ગડકરીએ ગ્લોબલ એનકેપ અને લેટીન એનકેપની જેમ ભારત માટે પોતાના સેફટી સ્ટાન્ડર્ડ બનાવવાની પણ વાત કરી હતી.