VIDEO / મને કોઈ પોલીસ વાળો રોકવા તૈયાર છે નહીં હું પૈસા આપું છું, અમદાવાદમાં ટેક્સી ચાલકોની દાદાગીરી

• અમદાવાદના માર્ગો મોતની સવારી બની ટેક્સી
• ટેક્સી પાર્સિંગ વગર મુસાફરો બેસાડાય
• આડેધડ મુસાફરો બેસાડી કરાય છે હેરાફેરી

ટેક્સી ડ્રાઇવરો ફેરવી રહ્યા છે મોતની સવારી

અમદાવાદના માર્ગો પર મોતની સવારી ચાલી રહી હોવાની વિગતો સામે આવી રહી છે. અમદાવાદના માર્ગે પર ગેરકાયદે ટેક્સી ચલાવવામાં આવી રહી છે. RTO દ્વારા પણ આવી ગેરકાયદે ચલાવવામાં આવતી ટેક્સીઓ વિરૂદ્ધ કોઇ કાર્યવાહી કરવામાં નથી આવતી, કારણ કે  ટેક્સી ચાલકો દ્વારા RTOને મસમોટો હપ્તો ચુકવવામાં આવતો હોવાનું ટેક્સીચાલકો ખુદ જ જણાવી રહ્યા છે. 

ટેક્સી ચાલકોને નથી રહ્યો કોઇનો ડર

આ પ્રકારની કારમાં બેસીને જતા મુસાફરોનો અકસ્માત થાય તો જવાબદાર કોણ એ સૌથી મોટો પ્રશ્ન અહીં ઉપસ્થિત થઇ રહ્યો છે. ખરેખર ટેક્સી તરીકે ઉપયોગ કરાતી કારમાં ટેક્સી પાર્સિંગ હોવું જરૂરી છે પરંતુ અહીં ટેક્સી ચાલકો ખાનગી પાર્સિંગમાં જ ટેક્સી ચલાવી રહ્યા હોવાનું બહાર આવ્યું છે. અધિકારીઓ રેગ્યુલર હપ્તો લઈ આંખ આડા કાન કરીને બેસી જાય છે. અને જ્યારે રેડ કરવાની હોય ત્યારે ટેક્સી ચાલકોને અગાઉથી જાણ કરવામાં આવે છે. જેને લઈને સબ સલામત હોવાની વાતો જાણવા મળે છે. 
 
સળગતા સવાલો

- કેમ RTO આવી ટેક્સી પર નથી કરતું કાર્યવાહી
- શું હપ્તો લેવાથી જવાબદારીમાંથી છટકી શકાય
- બેફામ બનેલા ટેક્સીચાલકોને રોકવામાં RTOને રસ નથી
- ટેક્સી ચાલકોના માથે કોનો હાથ
- RTO કોની બીકે નથી કરતું કાર્યવાહી
- અકસ્માતમાં મુસાફરો મોતને ભેટે તો જવાબદારી કોની
- કેમ સમયાંતરે ગેરકાયદે ટેક્સી ચલાવનારનું નથી થતું ચેકિંગ
- કોઇ દુર્ઘટના સર્જાય તો જવાબદારી કોની ?