લૂંટ / ભરૂચમાં બસ મુસાફરોના સ્વાંગમાં આવેલા લૂંટારુઓએ કર્યું ફાયરિંગ, આંગડિયા પેઢીના કર્મીને લૂંટવાના પ્રયાસમાં એક મુસાફરને ઈજા

• આંગડિયા પેઢીના કર્મીને લૂંટવાનો પ્રયાસ
• લૂંટારૂઓએ ફાયરિંગ કરતા 1 મુસાફરને ઇજા
• ફાયરિંગ બાદ લૂંટારૂઓ કારમાં થયા ફરાર

ભરૂચ નજીક આંગડિયા પેઢીના કર્મી સાથે લૂંટની ઘટના સામે આવી છે. આંગડિયા પેઢીનો કર્મચારી રોજ બસમાં સવાર જાય છે તેવી લૂંટારૂઓને જાણ થતા 2થી 3 લૂંટારૂઓ બસમા સવાર ગયા હતા. જ્યારે કારમાં સવાર અન્ય લૂંટારૂઓ થઈ બસની પાછળ આવી રહ્યા હતા. જે બાદ કાર ચાલકે આગળ જતા બસેને રોકી લૂંટ ચલાવી હતી જેમાં બસમાં સવાર એક મુસાફરને ઈજા થતા બસમાં અન્ય મુસાફરોએ ચિચિયારીઓ કરતા લૂંટારૂઓ ફરાર થઈ ગયા હતા.

આંગડિયા પેઢીના કર્મીને લૂંટવાનો પ્રયાસ

ભરૂચ નજીક નેશનલ હાઇવે ૪૮ ઉપર બસમાં સ્વર આંગડિયા પેઢીના કર્મચારીઓને લૂંટવાનો પ્રયાસ કરાતા બસમાં સવાર મુસાફરોમાં ડર ફેલાઈ ગયો છે. મહત્વનું છે કે લૂંટારુઓએ ઘટનાને અંજામ આપવા એક રાઉન્ડ ફાયરિંગ કર્યું હતું જેમાં એક મુસાફર ઈજાગ્રસ્ત થયો છે. જો કે ઇજાગ્રસ્તને સારવાર માટે ભરૂચની સિવિલ  હોસ્પિટલ ખસેડવામા આવ્યો છે.

મુસાફરો સ્વાંગમાં આવેલા લૂંટારુઓએ ચલાવી લૂંટ

ગોપાલ ટ્રાવેલ્સની બસમાં આંગડિયા પેઢીના કર્મચારીઓ નિયમિત મુસાફરી કરતા હોવાનું ધ્યાન પર આવતા આજે આ બસમાં આંગડિયા પેઢીના કર્મચારીઓ સાથે લૂંટારુઓ મુસાફર બની બસમાં સવાર થયા હતા. નેશનલ હાઇવે ૪૮ ઉપર મુલદ નજીક એક મહારાષ્ટ્ર પાસિંગની અર્ટિગા કારે બસને ઉભી રાખી હતી. લૂંટારુઓએ અહીં બસના ચાલક અને ક્લિનર ઉપર હુમલો કરી આંગડિયા પેઢીના કર્મચારીઓને લોટવાનો પ્રયાસ કર્યો હતો. 

લૂંટારૂઓએ ફાયરિંગ કરતા 1 મુસાફરને ઇજા

ભાવનગરના મુસાફર અનિલ ડાંગર લૂંટારુઓ સામે પડી બસનો દરવાજો બંધ કરવા પ્રયાસ કરતા લૂંટારુઓએ ફાયરિંગ કર્યું હતું જેમાં અનિલ ઈજાગ્રસ્ત થયા હતા તો લોકોએ ચિચિયારીઓ મચાવતા લૂંટારુઓ ભાંગી ગયા હતા જો કે સમગ્ર મામલે પોલીસમાં જાણ કરતા પોલીસે અજાણ્યા શખ્સો સામે ગુનો નોંધી તપાસ હાથ ધરી છે.